Jaqynda bızdıŋ basylymda bır avtordyŋ maqalasy jariialandy. Sony aitpaq bolyp aǧamyzǧa qoŋyrau şaldym. Bır kezde ol kısı: «Ainalaiyn, būl özı gazet satpaityn qala. Men ony qaidan ızdep tabamyn? Üiıme ekı-üş sanyn äkep berseŋ, batamdy berer edım» dep ötınış aitty. Ärine, ülken kısıge sol sätte aitqan düniesın aparyp berdım. Riza bolyp ol qaldy. Bıraq menı sol aǧanyŋ «būl özı gazet satpaityn qala» degenı oilandyrdy. Şyndyǧynda, bas şahardan jaŋa jaryq körgen gazet-jurnaldardy satyp alyp oqiyn deseŋız, şamaly jerden ony taba almaisyz. Äsırese, qazaq basylymdary qasqaldaqtyŋ qanyndai qat.
Öz basym ana tılımızde jaryq köretın gazetterdı senbı künı ädeiı baryp astanalyq bazardyŋ qasyndaǧy «Alty alaş» düŋgırşegınen satyp alamyn. Däl osyndai düŋgırşek Abylai han daŋǧyly boiyndaǧy «Jıbek joly» aialdamasy maŋynda ornalasqan. Odan keiın Abai köşesındegı «Qazpoşta» mekemesınen baryp aluǧa bolady. Al sol jaǧalauda gazet-jurnal satatyn oryn joq. «Keruen» sauda-oiyn-sauyq ortalyǧynda bolyp edı, ol jabylyp qaldy.
Keide ötken künder erıksız eske tüsedı. Bız oqyǧan toqsanynşy jyldardyŋ aiaq kezınde Aqmolada «Qazbaspasöz» dep atalǧan düŋgırşek är aialdamanyŋ janynda tūratyn. Sodan qalaǧan basylymyŋyzdy tabasyz. Keiın olardyŋ bärı közden būl-būl ūşty.
Qazır ǧalamtor älemı qaryştady. Kez kelgen gazet-jurnaldyŋ jeke saity, elektrondyq nūsqasy bar. Özım jūmysqa kelgende solardy bır şolyp şyǧamyn. Al oǧan adamdardyŋ bärınıŋ qoly jete me? Bū jaǧynan kompiuter syryn bılmeitın qariialarǧa qiyn-aq. Olar
gazettı qolǧa alyp, iısın sezıp oqyǧysy keledı. Sonda ol kısıler ne ısteu kerek? Osyny oilap jatqan bıreu bar ma?
