Ärtürlı jelıler men saittarda «üide otyryp aqşa tap!», «Men qalai millioner boldym» degen syndy jarnamalar qaptap jür. Osy ras pa degen sūraq oiyŋyzǧa keldı me?
Ökınışke qarai, internet arqyly millioner bolu – öte qiyn jäne täuekelşıl şeşım. Sebebı joǧaryda aitylǧan jarnamalar köbınde qūmar oiyndarǧa negızdelgen aqşa tabu joly. Sonymen qatar alaiaqtarǧa jolyǧyp qalu qaupı de bar. Jeŋıl paida jaqsylyqqa äkelmeitının osyndaida eskergen jön. Sondyqtan millioner bolǧyŋyz kelse, eŋbek etıŋız. Būl jerde ǧalamtordyŋ berer kömegı az. Degenmen qarapaiym talaptar üşın ǧalamtor tabys közı bola alady.
İnternette biznes jasaudyŋ eŋ taralǧan türlerı äleumettık jelıdegı oqyrmandarǧa negızdelgen. Jelı qoldanuşylarynyŋ da öz paraqşasyn barynşa qyzyqty etıp adam jinauǧa degen ūmtylysyn osymen tüsındıruge bolady. Ǧalamtorda folloverlerdıŋ qūdıretı arqyly bos uaqytty kelesıdei joldarmen tabysty ete alasyz.
Jarnama. Jelıdegı belsendı auditoriiaŋyzdy qalyptastyrǧan soŋ sızge jeke adamdardan bastap ärtürlı kompaniialarǧa deiın jarnama turaly ūsynystar tüse bastaidy. Eger sızdıŋ tanymaldyǧyŋyz orta deŋgeide bolsa tapsyrystar da sondai bolmaq. Būndai jarnamalardyŋ baǧasy oqyrmandar sanyna bailanysty naryqta kem degende 1000 teŋgeden bastalady.
Oǧan qosa, «iutub» jelısı arqyly tabys tabu da qazır öte tanymal jäne sūranysqa ie. Aldymen taqyryp taŋdap kanal aşasyz. Odan ärı videoŋyzǧa qosylatyn jarnamany qanşa köp adam körse, sonşa qarajatyŋyz eselene beredı.
Franşiza. Kelesı bır internet käsıp ol – franşiza. Būl jerde sız baǧasy 5000 teŋge tūratyn sılteme satyp alasyz. Bırınşıden, osy sılteme arqyly ötıp öz akkauntyŋyzǧa jazyluşylar jinap, tanymaldylyǧyn arttyrasyz. İnstagram jelısınde 1 oqyrman sany 2-3 teŋgege teŋ keledı. Al Vkontakte jelısınde 1000 oqyrmany bar topty 5000 teŋgege deiın sata alasyz. Ekınşıden, bır ret satyp alǧan franşiza sıltemesın sol baǧada basqa adamdarǧa sansyz ret satuǧa bolady. Sızdıŋ sıltemeŋız arqyly tırkelgen är adamǧa qosalqy bonus alyp otyrasyz. Keiın būl bonustar lüpıl men jazyluşylarǧa aiyrbastalady.
Tapsyrmalar oryndau. Būl täsıl oŋai bolǧanymen aitarlyqtai tabysty emes jäne alaiaqtarǧa tap bolyp uaqytyŋyzdy bosqa joǧaltyp aluyŋyz da mümkın. Sondyqtan eŋ dūrysy būl ıstı bastamas būryn senımdı saittardy ızdep tapqan jön. Tapsyrma oryndau, ärtürlı faildardy taratu, türlı toptar men adamdarǧa jazylu arqyly sipattalady. Är oryndalǧan tapsyrmaǧa bonustar jinalady, keiın būl bonusty qarajatqa ainaldyra alasyz.
İnternet-düken. Üide otyryp ǧalamtor arqyly aqşa tabudyŋ taǧy bır joly osy. Sol arqyly üiden şyqpai-aq saudaŋyzdy jürgızıp otyruǧa bolady. Būl satyp aluşylarǧa da öte qolaily bolǧandyqtan qazırgı taŋda aitarlyqtai tanymaldylyqqa ie.
Gülnūr BAIDULLAEVA,
L.Gumilev atyndaǧy
Euraziia ūlttyq
universitetınıŋ studentı
