Astana qalasyndaǧy mektepte batyr polisiia qyzmetkerınıŋ qūrmetıne kadet synyby aşyldy, dep habarlaidy astana-akshamy.kz
Elorda poliseilerı qaladaǧy №85 mektep-liseide Ǧaziz Baitasov atyndaǧy poliseiler alleiasy men kadet synybynyŋ aşylu saltanatyn ötkızdı.
Aşylu saltanatyna Astana qalasy PD basşylyǧy, jeke qūram, respublikalyq “Jasyl el” jobasynyŋ müşelerı qatysty. Sondai-aq şaraǧa marqūm qyzmetkerdıŋ tuystary – aǧasy Baqtybek pen äpkesı Qūndyz Baitasovtar şaqyryldy.
Būl şara jas ūrpaqty naǧyz erlık pen janqiiarlyq ülgılerı arqyly tärbieleudegı maŋyzdy qadam bolyp tabylady. Kadet synyptarynyŋ qūryluy men jūmys ısteuı öskeleŋ ūrpaqty patriottyq ruhta tärbieleuge, balalardyŋ qūqyqtyq dünietanymyn, joǧary ruhani-adamgerşılık jäne moraldyq-psihologiialyq qasietterın qalyptastyruǧa yqpal etedı.
Özgenıŋ ömırın saqtap qalu üşın özın qūrban etken polisiia kapitany Ǧaziz Baitasovtyŋ erlıgı eşqaşan ūmytylmaidy.
2011 jyldyŋ 12 qaraşasynda Taraz qalasynda Jambyl oblysy IID jol polisiiasy jeke batalonynyŋ bırınşı vzvodynyŋ komandirı Ǧaziz Baitasov özgelerdıŋ ömırı üşın özınıŋ janyn qiyp, auyr qylmystyŋ jolyn kestı.
Ǧaziz Baitasovqa Qazaqstan Respublikasy Prezidentınıŋ Jarlyǧymen Otan aldyndaǧy erekşe qyzmetı, qyzmettık boryşyn öteu kezınde körsetken erlıgı men janqiiarlyǧy üşın oǧan qaitys bolǧannan keiın “Halyq Qaharmany” ataǧy berıldı.
