«Jasyl el» baǧdarlamasy boiynşa elordada jazda 4 200 jasty jūmysqa ornalastyru josparlanuda, dep habarlaidy astana-akshamy.kz
Būl turaly qalalyq Jastar saiasaty mäselelerı basqarmasynyŋ basşysy Samat İbraev Astana qalasynyŋ kommunikasiialar qyzmetınde ötken brifingte aitty.
«Jasyl el» jobasy 2005 jyldan bastap jasöspırımder men jastardyŋ qorşaǧan ortany qorǧau sezımın tärbieleu, sondai-aq eŋbekke yntalandyru maqsatynda ıske asyryluda.
Baǧdarlamanyŋ basty şarty adamnyŋ jasy bolyp sanalady, iaǧni 14 jastan 35 jasqa deiıngı oquşylar, studentter jäne jūmyssyz jastar qatysa alady.
«Ötken jyly jazǧy uaqytta 4200 jas jūmysqa ornalastyryldy, biyl 4200 jasöspırım men jastardy jūmysqa ornalastyru josparlanuda. Jastar 64 myŋ teŋge mölşerınde jalaqymen jäne «Jasyl el» arnaiy nysanymen qamtamasyz etıledı. Mektep oquşylary joba boiynşa jūmys ısteu üşın oqu ornyndaǧy äleumettık pedagogqa jügınuı kerek», – dedı Samat İbraev.
14-17 jas aralyǧyndaǧy jasöspırımder künıne 4 saǧattan aspaityn jūmysqa tartylady. Olar elordalyq saiabaqtardy tazalaumen, mektep aulalaryn kögaldandyrumen ainalysatyn bolady.
Ötınımderdı qabyldau 31 mamyrda B.Soqpaqbaev köşesı, 14/4 KB 13 mekenjaiy boiynşa bastalady.
Basqarmada qūrylys kompaniialaryna jūmysqa ornalastyrylǧan jūmyssyz jastar jūmys ornynan jalaqy, sondai-aq «Jasyl el» jobasy şeŋberınde 64 myŋ teŋge kölemınde qosymşa syilyqaqy alatynyn atap öttı.
Būl segız saǧattyq jūmys künı retınde qarastyrylady. Qosymşa aqparat alu üşın @Elorda_jastary Instagram paraqşasyna jaza alasyz.
