S.Seifullin atyndaǧy Qazaq agrotehnikalyq universitetınde QR Parlament Mäjılısınıŋ Agrarlyq mäseleler jönındegı komitetınıŋ «Agroöndırıstık keşendı sifrlandyru. Onyŋ qazırgı ahualy, kedergıler men perspektivalary» atty taqyrypta köşpelı otyrysy öttı.
Aldymen Parlament Mäjılısınıŋ deputattary joǧary oqu ordasyndaǧy geologiialyq aqparattyq jüieler ortalyǧyn kördı. Būl tehnologiia topyraq pen tūqymnyŋ türlı dertter men ziiankesterge şaldyǧu jaǧdaiyn däl anyqtap, astyq tüsımın aldyn ala boljauǧa mümkındık beredı. Sondai-aq, ol ärbır jer paidalanuşy öz mındetın qalai oryndap jatqanyn baqylauǧa jaǧdai jasap, jer inspektorlarynyŋ qolyn ūzartady. Äsırese, germaniialyq ärıptestermen bırlesıp ıske asqan egınşılık ortalyǧy halyq qalaulylarynyŋ qyzyǧuşylyǧyn tuǧyzdy.
Köşpelı otyrys barysynda universitet rektory Aqylbek Kürışbaev ǧalymdarynyŋ osy baǧyttaǧy jetıstıkterıne toqtaldy. Onyŋ ai-
tuynşa, ǧaryştyq zond-
tau tehnologiiasyn qoldanu jer paidalanu prosesın baqylauǧa, jer turaly zaŋdardy saqtauǧa qol jetkızedı. Topyraq jaǧdaiy men sipaty jönındegı sandyq baza qūru, onyŋ aua raiy men tabiǧat äserınen qalai özgeretındıgın anyqtap, tiıstı agrotehnikalyq şaralar qoldanyp, mineraldyq tyŋaitqyştar men tūqymdy tiımdı paidalanuǧa mümkındık beredı.
Seminarǧa QR Parlamentı Mäjılısı töraǧasynyŋ orynbasary Vladimir Bojko bastaǧan deputattar qatysyp, agroönerkäsıp salasyn jetıldıru jaiyndaǧy öz oi-
laryn ortaǧa saldy. Bükılälemdık banktıŋ auylşaruaşylyq mäselelerı jönındegı jetekşı ekonomisı Devid Nilson baiandama jasady.
– Memleket basşysynyŋ «Agrarlyq sala el ekonomikasynyŋ draiverı boluǧa tiıstı» degenı barşaǧa belgılı. Al būl mındettı oryndauǧa auyl şaruaşylyq salasyn bılıktı ǧalymdar men mamandarmen tolyq qamtamasyz etkende ǧana qol jetkızuge bolady. Qazaqstandyq agroönerkäsıptı tolyqqandy damytu üşın bızge de damyǧan elder ülgısı boiynşa ǧylymi-zertteu universitetın qūru qajet. Tek sol kezde ǧana tehnologiialardy tıkelei öndırıske transfertteuge bolady. Alaida bızdıŋ būl turaly bastamamyz tolyq qoldau tauyp otyr dep aitu qiyn. Bügıngı basqosu agrarlyq salanyŋ problemalaryn tübegeilı şeşuge baǧyttalǧan alǧaşqy qadam bolady degen ümıttemın, – dep sözın qorytyndylady oqu ordasynyŋ basşysy Aqylbek Kürışbaev.
Azamat Esenjol
