Astanada «Taza Qazaqstan: Astana – tazalyq pen tärtıptıŋ ülgısı» auqymdy ekologiialyq aksiiasy ötıp jatyr, dep habarlaidy astana-akshamy.kz
Būl apta «Möldır būlaq» dep atalady, onyŋ barysynda su aidyndary – özender men kölderdıŋ ainalasy qoqystan tazartylady. Ekoaksiia aiasynda GPT neirojelılık chatynyŋ kömegımen jasalǧan suretterdıŋ fotokörmesı öttı.
Qonaqtar men qala tūrǧyndarynyŋ nazaryna älemdı jasandy intellekt közımen beineleitın 50 erekşe suret ūsynyldy. Keluşıler ekologiiaǧa jauapsyz közqarasty körsetetın jäne qorşaǧan ortaǧa qamqorlyq jasauǧa şaqyratyn suretterdı kördı.
GPT chatymen jasalǧan kartinalardyŋ ärqaisysy qazırgı jaǧdaidy jäne bolaşaqty beineleidı. Suretter ärtürlı stilde jasalǧan. Jasandy intellekt bolaşaqty qalai beineleitını keluşılerdı erekşe qyzyqtyrdy.
Is-şara aiasynda belgılı ekobelsendı Şasalim Şagalimov elorda tūrǧyndary üşın tabiǧatqa janaşyrlyq taqyrybynda därıs oqydy.
«Bızdıŋ elımız üşın ekologiia öte maŋyzdy mäsele. Būl saladaǧy problemalardyŋ oŋ şeşımın qaladaǧy kommunaldyq qyzmetter ǧana emes, tūrǧyndar da qoldauy tiıs. Kölık terezesınen laqtyrylǧan nemese arnaiy jäşıkke salynbaǧan kışkene qoqystyŋ özı ekologiiaǧa, joldarǧa, köşelerge, jalpy qalamyzdyŋ syrt kelbetıne terıs äser etetının ūmytpauymyz kerek. Qorşaǧan ortaǧa, tabiǧatqa qūrmetpen qarauǧa, jaqsy ekologiia ūlt densaulyǧyna tıkelei äser etetının este saqtauǧa şaqyramyn», – dedı Şasalim Şagalimov.
Esterıŋızge sala keteiık, auqymdy ekoaksiia aiasynda qalany sanitarlyq tazartu, nöser jäne aryq jelılerı, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jūmystary jürgızılıp jatyr.
Sondai-aq, jasyl jelekterdı kütıp-ūstau jäne otyrǧyzu, sauda nysandaryna ırgeles aumaqtardy jinau, kögaldar men gülzarlar ornatu, rūqsat etılmegen poligondardy joiu jäne t.b. jūmystar jürgızılude.
