Astana tūrǧyndary arasynda äleumettık eksperiment jürgızıldı, dep habarlaidy astana-akshamy.kz
Äleumettık eksperiment elorda tūrǧyndarynyŋ ekologiialyq mädeniettı qalai saqtaitynyn jäne qorşaǧan ortanyŋ tazalyǧyna qamqorlyǧyn anyqtauǧa kömektestı.
Ūiymdastyruşylar Esıl özenınıŋ jaǧasyndaǧy jaiau jürgınşıler köşesıne bos bötelkelerdı, qaǧazdarmen basqa da qoqystardy tastap ketedı.
Tüsırılım toby ötıp bara jatqan adamdardyŋ jerde jatqan qoqystardy köterıp jatqanyn jäne ony arnaiy qoqys jäşıkterıne salatynyn baqylap otyrdy.
Äleumettık eksperiment barysy jasyryn kameraǧa tüsırıledı. Elorda tūrǧyndary qorşaǧan ortanyŋ tazalyǧyna bei-jai qaramai, jerde jatqan qoqystardy arnaiy jäşıkke tastaitynyn baiqauǧa bolady.
«Bız Astana tūrǧyndarynyŋ tazalyqty saqtaǧanyn kördık. Būǧan bır saǧattai qarap köz jetkızdık. Eresekter de, balalar da jerde jatqan qoqystardy arnaiy qoqys jäşıgıne tastaitynyn körıp quandyq. Bärımız ainalamyzdaǧy tazalyqqa jauaptymyz. Kommunaldyq salanyŋ qyzmetkerlerı ǧana emes, ärbır tūrǧyn bızdıŋ qalamyzdyŋ taza ärı jaily boluyna öz ülesın qosuy tiıs dep sanaimyz», – dep atap öttı ūiymdastyruşylar.
Astanada «Taza Qazaqstan: Astana – tazalyq pen tärtıptıŋ ülgısı» auqymdy ekologiialyq aksiiasy ötıp jatyr. Būl apta «Möldır būlaq» dep atalady, onyŋ barysynda su aidyndary – özender men kölderdıŋ ainalasy qoqystan tazartylady.
Auqymdy ekoaksiia aiasynda qalany sanitarlyq tazartu, nöser jäne aryq kärız jelılerı, köşelerdı, trotuarlardy, kvartalışılık aumaqtardy, qoǧamdyq keŋıstıkter men aulalardy tazalau jūmystary jürgızılıp jatyr.
Sondai-aq, jasyl jelekterdı kütıp-baptau jäne otyrǧyzu, sauda nysandaryna ırgeles aumaqtardy jinau, kögaldar men gülzarlardy ornatu, rūqsat etılmegen poligondardy joiu jäne t.b. jūmystar jürgızılude.
