Astananyŋ 25 jyldyǧyna orai «EXPO» halyqaralyq körme ortalyǧynyŋ aumaǧynda «Gul Astana» gül festivalı aşyldy.
Merekelık ıs-şara Sreative agency «Funk» kompaniiasy jəne Astana qalasy kreativtı industriialardy damytu ortalyǧynyŋ qoldauymen ötkızıldı. «Gul Astana» baǧdarlamasynda tabiǧatqa, qalalyq qorşaǧan ortaǧa, sanaly tūtynuǧa ekologiialyq qatynas salasyndaǧy qoǧamdastyqtardyŋ qyzmetıne arnalǧan Publik talk, ataqty suretşılerdıŋ jandanǧan kartinalarynyŋ şeruı, «Jandanǧan gülder» performativtı installiasiialary qoiyldy. Suretşıler, säuletşıler, müsınşıler arasyndaǧy «Gül şahary – Astana» baiqauynyŋ 15 üzdık jūmysy tanystyryldy. Irıktelgen jūmystardyŋ ışınde «Nuar Astana» şeberlık studiiasynyŋ käsıpkerı Sūŋǧat Änuarbek tanystyrǧan joba boldy. Özındık erekşelıgı bar joba qoǧam nazaryn qaldyqtardy qaita öŋdeuge, odan türlı būiym jasauǧa bolatynyn tüsındıruge baǧyttaldy.
Festival prodiuserı Maira İzmaiylovanyŋ aituynşa, ıs-şaraǧa qatysuşylar üşın qalalyq qauymdastyqtar men olardyŋ qyzmetıne arnalǧan tegın interaktivtı oryndar aşylady. Gülder festivalı elımızdıŋ är öŋırınen kelgen ekologtar, 20 florist, urbanist, eko-kəsıpkerler men öner qairatkerlerın bırıktırdı.
Festivalde Qazaqstannyŋ tabiǧi aimaqtarynyŋ landşaftynda bezendırılgen kiız üiler ornatylyp, florister baiqauy, süiıktısıne öz sezımın bıldıru boiynşa «I love» baiqauy ūiymdastyryldy. Bügın de jalǧasatyn festivalde baiqaudyŋ jeŋımpazdary anyqtalyp, BAÄ-ge ekı adamǧa joldama tabystalady. Būl baiqaudan bölek mūnda «Ecodar» menıŋ qalam – menıŋ ülesım» baiqauy qorytyndylanady.
Sondai-aq festivalde qalanyŋ jasyl kartasy körsetılıp, keluşıler üşın qalany kögaldandyru jäne qoǧamdyq keŋıstıkter jetıspeitın oryndardy körsetuge mümkındık beredı. Mūndai oryndardy festival qatysuşylary kartada arnaiy belgılep körsetedı. Astana qalasy äkımdıgı Urbanistika basqarmasynyŋ mälımetınşe, qala tūrǧyndarynyŋ ūsynysy elordany kögaldandyru men abattandyrudy josparlau kezınde eskerıledı.
Adel ABDRAHMANOVA
