5-6 şılde künderı EKSPO aumaǧynda Gul Astana Eco Urban Open Air festivalı ötedı.
Qalanyŋ jasyl kartasy qoiylatyn būl ıs-şarada barlyq niet bıldıruşılerge abattandyru jəne qoǧamdyq keŋıstıkter jetkılıksız jerlerdı körsetuge mümkındık beredı. Festivalge qatysuşylar mūndai aimaqtardy kartada «tüireuış» arqyly belgıleitın bolady.
Astana qalasy əkımdıgı Urbanistika basqarmasynyŋ məlımetınşe, qala tūrǧyndarynyŋ barlyq ūsynystary qalany kögaldandyru men abattandyrudy josparlau kezınde eskerıletın bolady. Festivaldıŋ erekşelıkterı: Qazaqstannyŋ tabiǧi aimaqtarynyŋ landşaftynda bezendırılgen klimattyq kiız üiler, gül aimaǧyn bezendıru boiynşa florister baiqauy, arnaiy fotoaimaqtardyŋ bırınde – ekı adamdyq joldama ūtysymen öz sezımın bıldıruşılerdıŋ ILOVE baiqauy. Keluşıler üşın bılım beru jəne eko-şeberlık sabaqtary, iaǧni PlasticHarahura kompaniiasynan resaikling (qaldyqtardy qaita öŋdeu jəne plastikten öner tuyndylary men būiymdaryn jasau) jəne apsaikling (jaŋa funksionaldardy jasau arqyly materialdar men zattardy qaita paidalanu) ötkızıledı. Sonymen qatar, festivalde florister arasyndaǧy baiqau, suretşıler, səuletşıler, müsınşıler arasyndaǧy «Gül şahary – Astana» baiqauy qorytyndylanady.
Sondai-aq «ILOVE» öz sezımın bıldıru jəne «EKODAR. «Menıŋ qalam – menıŋ ülesım» baiqauynyŋ jeŋımpazdary marapattalady. «GulAstana» baǧdarlamasynda tabiǧatqa, qalalyq qorşaǧan ortaǧa, sanaly tūtynuǧa ekologiialyq qatynas salasyndaǧy qoǧamdastyqtardyŋ qyzmetıne arnalǧan Publiktalk, ataqty suretşılerdıŋ jandanǧan kartinalarynyŋ şeruı, «Jandanǧan gülder» performativtı installiasiialary bolady.
Balalar üşın şeberlık synyptary men teatrlandyrylǧan interaktivtı baǧdarlamalar: qūmmen suret salu, güldı origami, applikasiialar jəne saz balşyqpen jūmys jasau alaŋdary ūiymdastyrylady. Gül festivalınıŋ resmi aşyluy 5 şılde saǧat 10:00-de EHRO döŋgelek alaŋynda ötedı (kıru tegın).
Qosymşa aqparat, sondai-aq akkreditteu üşın bailanys – festivaldıŋ baspasöz hatşysy Əigerım Janturinaǧa habarlasuǧa bolady: 8 775-102-13-12.
