Därıgerdıŋ bärı bırdei emhana men auruhanada ǧana jūmys ıstemeitını belgılı. Alǧan bılımı men jinaǧan täjıribesın arnaiy qyzmet körsetetın, apatty jaǧdaiǧa duşar bolǧanda medisinalyq kömektı qajet etetın salalarda da paidalanyp jürgen aq halattylar bar. Solardyŋ bırı – 9 jyldan berı Astana tötenşe jaǧdailar departamentıne qarasty №5 mamandandyrylǧan ört söndıru bölımınıŋ därıgerı bolyp eŋbek etetın Güljan Ämıreeva.
Özı 42 jasta, ekı balanyŋ anasy, bır äulettıŋ ūiytqysy Güljan Melısqyzynyŋ jalpy medisinalyq jūmys täjıribesı 21 jyldy qūraidy. Jambyl topyraǧynda düniege kelgen ol Almatydaǧy qazaq memlekettık medisina universitetıne 1998 jyly oquǧa tüsıp, el astanasy Aqmolaǧa auysuyna bailanysty, oqu orny 2000 jyly Astanaǧa köşkende ol da alǧaş Saryarqa törıne taban tıreidı. Eŋbek jolyn 2003 jyly qaladaǧy №2 qalalyq balalar auruhanasynda hirurgiia bölımşesınıŋ medbikesı bolyp bastaǧan. 2004-2015 jyldar aralyǧynda №2 perinataldy ortalyqta akuşer-ginekolog bolyp eŋbek etedı. 2015 jyly joldasy jūmys ısteitın Astana tötenşe jaǧdailar departamentı №5 mamandandyrylǧan ört söndıru bölımıne därıger bolyp jūmysqa ornalasady.
– Qazırgı taŋda qalada ört qauıpsızdıgı boiynşa bız siiaqty 24 bölım bolsa, sonyŋ ışınde segızı – mamandandyrylǧan. Bızdıŋ bölım Saryarqa audanyna qaraidy, bıraq därıgerler Qabanbai batyr köşesındegı №3 mamandandyrylǧan ört söndıru bölımınde 101 jäne 112 qyzmetterımen bırge otyramyz. Būl jerden qalanyŋ kez kelgen jerıne bırdei uaqytta jete alamyz. Şūǧyl oqiǧa bolmaǧan kezde garnizondaǧy barlyǧy 1500, bır auysymdaǧy 200-den astam qyzmetkerdıŋ densaulyǧyn baqylap, ärtürlı aurulardyŋ aldyn alu boiynşa ıs-şaralar jürgızemız. Al apatty jaǧdai tuyndaǧanda oqiǧa ornynda zardap şekkenderdı ǧimarat syrtyna alyp şyqqannan keiın ǧana olarǧa alǧaşqy medisinalyq kömek körsetudı bastaimyz, – deidı Güljan Ämıreeva.
Täjıribelı därıger ekı jyldyq pandemiia kezınde de jeke qūramdy qauıptı aurudan emdeu, tiımdı profilaktikalyq jūmystar jürgızu, koronavirusty anyqtau boiynşa qarqyndy jūmys jürgızıp, auyr kezeŋde elorda medisinasynyŋ damuyna zor üles qosty. Sol üşın 2020 jyly Memleket basşysynyŋ atynan «Halyq alǧysy», byltyr Densaulyq saqtau ministrınen «Densaulyq saqtau ısıne qosqan ülesı üşın» marapatyna ie boldy. Odan basqa da köptegen Alǧys hattarǧa ie bolyp jür. Degenmen aq halatty abzal jan üşın būl marapattardan būryn özı şipasyn darytqan nauqastardyŋ, zardap şekken adamdardyŋ ömırın ajaldan araşalap qalǧan sättegı olardyŋ batasy men alǧysyn alu bärınen de maŋyzdy.
