Jyl basynan berı elorda tūrǧyndarynan kelıp tüsken 350 myŋǧa juyq ötınış «iKomek» ortalyǧy arqyly jedel şeşıldı.
«Astana – adaldyq alaŋy» jobasyn ıske asyru boiynşa qala äkımı Äset İsekeşev pen Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ töraǧasy Alik Şpekbaev «iKomek» qalalyq monitoring jäne jedel äreket etu ortalyǧynyŋ qyzmetıne köz jetkızdı.
Atalǧan ortalyqtyŋ jetekşısı Jannat Dubirova jūmystyŋ nätijesı boiynşa «iKomek» AQŞ pen Kanadanyŋ qyzmetterıne süiene otyryp, osy arqyly bıryŋǧai bailanys nüktesımen tūrǧyndarǧa kömek körsetudıŋ tört deŋgeilı ülgısı – intellektualdy bailanys ortalyǧyna (qalalyq jäne mobildı telefonnan «109» nömırı) negızdelgenın atap öttı.
– Bız arhitekturalyq jäne jer mäselelerın şeşu üşın säulet qyzmetterı ortalyǧyn aşudy josparlap otyrmyz. Onda köptegen biurokratiia bar, ortalyq qūru arqyly ony azaita alamyz. Damyǧan elderdıŋ täjıribesın kördık, solardıkı sekıldı qalalyq qyzmetter ortalyǧy aşylady. Men olardyŋ ärbır audanda kem degende 4-euın aşudy josparlap otyrmyn. Alǧaşqysy osy jyly «Astana moll» sauda ortalyǧynda aşylady, – dedı Äset İsekeşev.
«109» bıryŋǧai bailanys ortalyǧy» qūrylǧan uaqyttan bastap keŋeitılgen qyzmet körsetu funksiialary arqyly jyl basynan berı 461 myŋnan astam ötınış tüsıp, olardyŋ 77 paiyzy şeşılgen. Astana qalasy äkımdıgınıŋ «iKomek» bıryŋǧai bailanys ortalyǧy kommunaldyq qyzmetterdıŋ barlyq bailanys ortalyǧyn bırıktıredı, sol siiaqty qala tūrǧyndarynyŋ bıryŋǧai bailanys nüktesı bolyp esepteledı.
«iKomek» ortalyǧynda qaladaǧy 4422 beinebaqylau kamerasy ornalasqan. Būl beinekameralar, negızınen, qoǧamdyq oryndarda, iaǧni sauda ortalyqtary, meşıtter, ülken aialdamalar, temırjol vokzaldary sekıldı jūrt köbırek şoǧyrlanǧan mekenderde ornalasqan. Osy arqyly «iKomek» ortalyǧynyŋ operatorlary täulık boiy baqylau jürgızedı. Atalǧan ortalyqta qalalyq Işkı ıster departamentınıŋ qyzmetkerlerı bar. Özara qyzmet barysynda 2018 jyldyŋ basynan IID-ge 1297 ötınış kelıp tüsıp, onyŋ 1189-y öŋdeldı, TJD jelısıne 102 ötınış kelıp tüsıp, onyŋ ışınde 100-ı şeşılgen.
