Ortalyqta 192 adam jūmyspen qamtylǧan
– Jannat Balǧabaiqyzy, sız jiyndardyŋ bırınde 2018 jyly qala tūrǧyndarynan ıKomek109 ortalyǧyna millionnan asa saual tüskenın aitqan bolatynsyz. Mūndai kölemdegı qoŋyrauǧa der kezınde jauap berıp ülgeru üşın ortalyqta qanşa adam jūmyspen qamtylǧan?
– Osy saual köpşılıktı qyzyqtyrady. ıkomek109-dyŋ jūmys ıstei bastaǧanyna nebärı bır jarym jyl ǧana boldy. Basynda jūrtşylyqtyŋ habarlasatyn uaqytyn naqty bıle almai qinalǧanbyz. Qazır qarbalas uaqytta 40 operator, tüngı uaqytta 10 operator jūmys ısteidı. Al ortalyqta jalpy sany 192 adam jūmyspen qamtylǧan. Olardyŋ bır bölıgı kamera monitorlarynyŋ aldynda otyrsa, endı bır toby keŋsede jūmys ısteidı.
Operatorlar psihologiialyq tekserısten ötedı
– Operatorlyq qyzmetke qabyldar aldynda qandai talaptar qoiylady? Olar jūmysqa kırıserden būryn arnaiy üiretu kursynan öte me?
– Şyny kerek, bız operatorlardyŋ joǧary bılımdı boluyn talap etpeimız. Eŋ bastysy, qala tūrǧyndaryna kömek körsetuge nietı bolyp, sodan keiın psihologiialyq jaǧynan myqty boluy şart. Öitkenı bızge qoŋyrau şalatyndardyŋ denı pozitiv köŋıl-küimen habarlaspaityny belgılı. Sondyqtan qoŋyrauǧa jauap bererde öz-özın ūstai alatyndai sabyrly boluy tiıs. Al olarmen ortalyqta arnaiy psihologtar tūraqty türde jūmys ısteidı. Jūmys künı bastalarda operatorlar psihologiialyq tekserısten ötedı. Eger bärı dūrys bolsa ǧana mındetıne kırısedı. Al qyzmetke alynardan būryn mındettı türde arnaiy kurstan ötedı.
Jyl basynan berı 904 500 şaǧym tüstı
– Osy bır jarym jyl ışınde kelıp tüsken şaǧymdardyŋ basym bölıgı qandai mäselege qatysty?
– Būl saualǧa jauap bermes būryn myna bır jaitty aita keteiın. Būryn ıKomek109-dyŋ balama türı bolǧan emes. Jūrt qaida şaǧymdanaryn bılmei dal bolatyn. Tiısınşe ıKomek109-dy joq jerden bastadyq. Ärbır mekemege baryp, olarmen bailanys ornattyq. Ortalyq aşylǧan alǧaşqy ailarda habarlamalar da az bolatyn. Köp ūzamai «Astana LRT» kompaniiasyna qatysty bükıl mäselege jauap berudı özımızge alǧanda jūrtşylyq mazalap jürgen sūraqtaryn jiı qoiatyn boldy. Mäselen, byltyr tūrǧyndardan 1037963 şaǧym tüsse, biylǧy nebärı 7 aidyŋ ışınde şaǧym sany 904500-ge jettı. Būl – elordalyqtardyŋ belsendılıgınıŋ belgısı. Sol şaǧymnyŋ 188369-y qoǧamdyq kölıkke qatysty boldy. Byltyr onlain tölem jüiesı ıske qosylǧaly berı elordalyqtardy osy mäsele köp tolǧandyrdy. Qoŋyrau şalǧandarǧa tüsındıru jūmystary jürgızıldı.
Mäselenıŋ 76 paiyzy habarlasqan uaqytta şeşıledı
– «Astana LRT»-dan bölek qandai saualdar tūrǧyndardy jiı mazalaidy?
– Qala tūrǧyndarynyŋ saualyna der kezınde jauap beretın bolǧandyqtan, medisinalyq saualdardy da öz moinymyzǧa aldyq. Bızge kelıp tüsetın mäselelerdıŋ tızımınde ekınşı orynda densaulyq saqtau salasy tūr. Jyl basynan berı 149147 adam habarlasypty. Būl medisinanyŋ naşarlyǧynyŋ belgısı emes, bızde därıgerler de jūmys ısteidı. Tūrǧyndardyŋ saualyna sol medisina mamandarynyŋ özderı jauap beredı. Üştıktı 124344 saualmen aqparattyq anyqtama salasy tüiındep otyr.
Ärı qarai myna salalar boiynşa saualdar köbırek tüsedı: Bılım salasy – 33131 qoŋyrau, qalany elektrmen jabdyqtau – 20212, Prezident sailauy 2019 – 16738, sumen jabdyqtau – 12732, bıryŋǧai tölem qūjaty – 12646, jol infraqūrylymy – 12497, kärız jüiesı – 11767.
– Kelıp tüsken saualdar ädette qanşa uaqyttan keiın oryndalady?
– ıKomek109 adam ömırıne maŋyzy bar 51 salany qamtidy. Al qala boiynşa 700 ūiymmen tyǧyz jūmys ısteidı. Bızge kelıp tüsetın habarlamanyŋ 76,4 paiyzy sol mezette şeşıledı. Al şaǧymdar mazmūnyna qarai tiıstı mekemelerge jıberılıp, uaqyt sozbai jyldam jauap aluǧa ūmtylamyz.
Saryarqa – eŋ «tärtıptı» audan
– Şaǧymdarǧa jasalatyn taldau jūmystary boiynşa qai audanǧa şaǧym köp tüsedı? Al qai audan «tärtıptı»? Mūndai körsetkış basqarmalar arasynda bar ma? Sol siiaqty qala äkımınıŋ orynbasarlary belsendı me?
– Taldau kündelıktı jasalady. Jūrtşylyq tarapynan eŋ köp şaǧym Almaty audanynyŋ tūrǧyndarynan tüsedı. Al özıŋız aityp otyrǧan eŋ «tärtıptısı» – Saryarqa audany.
Al basqarmalar arasynda kelgen şaǧymdarǧa keş jauap beretın, tıptı jauapsyz qaldyratyn ekı basqarma bar. Onyŋ bırı – Kölık jäne jol-kölık infraqūrylymyn damytu basqarmasy, al ekınşısı – Otyn-energetikalyq keşenı jäne kommunaldyq şaruaşylyq basqarmasy.
Qala äkımınıŋ orynbasarlary arasynda Asqar Amrin öte belsendı. Bügınge deiın halyqpen tyǧyz bailanys ornatuda, kelgen saualdarǧa uaqytynda jauap berude reitingı 95 paiyzdy qūrap otyr. Ekınşı orynda 81,3 paiyzben Baqtiiar Mäken tūrsa, üzdık üştıktı 81,1 paiyzben Nūrlan Nürkenov tüiındep tūr.
AQŞ-tyŋ täjıribesıne jügındık
– Qai eldıŋ täjıribelerıne jügındıŋızder?
– Bız Japoniianyŋ, Europa elderınıŋ täjıribelerıne jügındık. Olardyŋ bärı jaqsy, bıraq köŋılımızden şyqqany AQŞ-tyŋ 911 qūtqaru qyzmetı boldy. Mıne, köp jaǧdaida osy 911 qyzmetınıŋ jūmysyn mysalǧa alamyz.
– ıKomek109 alǧa qandai maqsat qoiyp otyr?
– Bızdıŋ eŋ bırınşı maqsatymyz – elordalyqtardyŋ ömırın barynşa jaily etu ǧoi. 2018 jyldyŋ basynan berı aldymyzǧa ülken mındetter qoidyq. Bügınge deiın onyŋ bırazyna jettık. Sonyŋ nätijesınde TMD elderı arasynda «bailanys ortalyqtary men tūtynuşylarǧa qyzmet körsetu industriiasynyŋ üzdıgı» degen nominasiiaǧa ie boldyq.
