Nūr-Sūltan qalasy Qoǧamdyq densaulyq saqtau basqarmasynyŋ basşysy Timur Mūratovtyŋ bas boluymen medisinalyq mekemelerdıŋ qauıptı ındettıŋ ekınşı tolqynyna daiyndyǧy tekserıldı. Qazır elordada JRVİ belgılerı bar nauqastardy bölek qabyldaityn 60-tan asa süzgı kabinet jūmys ısteidı.
Indettıŋ örşuın aldyn alu üşın qalanyŋ barlyq emhanalarynda filtr kabinetterı jūmys ısteidı. Olardyŋ negızgı mındetı – jedel respiratorlyq virustyq infeksiia belgılerı bar pasientterdı anyqtau jäne oqşaulau. Būl kabinetterde pasientter PTR-testıleuden ötedı. Virus anyqtalǧan jaǧdaida ambulatoriialyq baqylau jäne emdeu bastalady. Basty maqsat – aurudy pnevmoniia siiaqty auyr asqynularǧa jetkızbeu.
Qarym-qatynasty azaitu üşın pasientterge üilerınde qyzmet körsetıledı. Nauqastardyŋ esımderı bazaǧa engızıledı. Eger olardyŋ bıreuınde koronavirus anyqtalsa, qalǧandary bailanysuşy sanalady. Üilerınde PTR-taldau jürgızıluı de mümkın.
Qazır qalada epidemiologiialyq jaǧdai tūraqty. Stasionarlarda 87 pasient em aluda. Auru örşıgen jaǧdaida qalalyq densaulyq saqtau jüiesı 5600 tösek-oryn bölıp, 434 İVL-maşinamen jäne basqa da resurstarmen qamtamasyz etuge daiyn.
