Elordada №1 köpbeiındı qalalyq auruhanadaǧy İnsult ortalyǧy insultten keiıngı aǧza qyzmetın qalpyna keltıru jäne qaitalama insulttıŋ aldyn alu maqsatynda medisinalyq kömek körsetıp keledı. Byltyr atalǧan ortalyqta 1000-ǧa juyq nauqasqa medisinalyq kömek berılgen.
Qazır insult – halyq arasyndaǧy ölım-jıtımnıŋ ekınşı sebebı. Odan bölek, būl dert – mügedektıkke äkeletın aurular arasynda bırınşı orynda. İnsultke şaldyǧatyn adamdardyŋ şamamen 80%-y mümkındıgı şekteulı bolady, olardyŋ şamamen 25%-y ömırınıŋ soŋyna deiın tūraqty kütımdı qajet etedı. İnsultten keiıngı oŋaltu medisinada keŋ taralǧan. Būl salada jūmys ısteitın därıgerlerdıŋ basym bölıgınıŋ osy mamandyqty taŋdauyna eŋ auyr aurular, mi men jūlynnan berıletın türlı aurulardy anyqtau, emdeu, nauqastardy baqylau sebep bolǧan. Medisinalyq oŋaltu ortalyǧynda tiımdı emdeu üşın qajettı zamanaui jabdyqtar jetkılıktı. Mūnda käsıbi fizioterapevter, reabilitologtar, akupunkturist, hiropraktor, käsıptık terapevt, logoped, bılıktı medbikeler öz qyzmetterın ūsynady. Medisinalyq oŋaltu jäne qalpyna keltıru ortalyǧy tegın medisinalyq kömektıŋ kepıldık berılgen kölemı şeŋberınde tūrǧyndarǧa tegın, sondai-aq aqyly negızde qyzmet körsetedı. 2012 jyldyŋ 1 qaraşasynan bastap aşylǧan insult ortalyǧynda eŋ jas därıger 4 aidan astam jūmys ıstese, sonymen qatar 11 jyldan astam eŋbek atqaryp kele jatqan därıgerler bar.
