«Aqyldy qalanyŋ» eŋ aldymen zamanaui infraqūrylymy boluy kerek. Elordanyŋ jaŋa intellektualdyq kölık jüiesın jüzege asyru Astana äkımdıgınıŋ kezektı apparattyq keŋesınde talqylanǧan basty mäselelerdıŋ bırı boldy.
Qozǧalys aǧynynyŋ qarqyndylyǧy men jyldamdyǧynyŋ ortaşa körsetkışterınıŋ azdap artqanyna qaramastan, joldaǧy keptelıster özegın joǧaltpai otyr. Eske sala keteiık, jaŋa kölık jüiesı jobasynyŋ bırınşı kezegı 42 qiylysty qamtydy. Al, ekınşı kezegınde qoǧamdyq kölıkterge elektrondyq tölem jüiesın ıske qosu közdelgen. Qazırdıŋ özınde elordanyŋ avtobus parkterı jaŋalandy. Oǧan qosa, būǧan deiın de aitylǧandai, Astana jaqyn uaqytta zamanaui 200 avtobuspen qamtamasyz etıledı.
Astana qalasynyŋ äkımı Ädılbek Jaqsybekovtıŋ aituynşa, äuelı jolauşylar tasymalynyŋ sapasy jaqsartyluy tiıs. Qazırgı uaqytta būl baǧyt tūrǧyndardyŋ däiektı aryz-şaǧymdary köp tüsetın salalardyŋ bırı. Qoǧamdyq kölıktı arnaiy tekseru barysynda (43 avtobus qamtylǧan) qyzmet körsetu, jolauşylarmen qarym-qatynas, sanitarlyq jaǧdai, jol jüru erejesın būzu, baǧdarlar qozǧalysynyŋ jiılıgı jäne t.b. baǧyttarda jürgızuşıler men konduktorlar tarapynan bırqatar kemşılıkter anyqtaldy. Tiıstı qyzmetterge elorda tūrǧyndarynyŋ syn-eskertpelerın eskere otyryp, kemşılıkterdı joiu tapsyryldy. Jolauşylar tasymaly astanalyq qyzmet körsetudıŋ joǧary talaptaryna sai boluy tiıs.
Elorda basşysy sonymen qatar, Astananyŋ investisiialyq tartymdylyǧyn damytu men bizneske qoldau körsetuge müddelı ūiym retınde eŋ aldymen İnvestorlarǧa qoldau körsetu ortalyǧynyŋ jūmysyn küşeituge nazar audardy. Qala äkımdıgı Astanaǧa investisiia tartu üşın barlyq jaǧdaidy jasauda. Äkımdıktıŋ qyzmet körsetu üderısterın oŋtailandyruy jäne äkımşılık kedergılerdı azaitu – būl jūmystaǧy maŋyzdy baǧyttardyŋ bırı bolyp tabylady.
Sonymen qatar, keŋeste qalalyqtardyŋ aldaǧy merekelerge daiyndyǧy men qysqy demalysyn ūiymdastyru mäselelerı de qozǧaldy. Qysqy Astana mūz qalaşyqtary, jappai konki tebu, jeltoqsandaǧy merekelerge arnalǧan mädeni-köpşılık ıs-şaralar siiaqty aluan türlı baǧdarlamalar daiyndauda.
