«Astana Invest» – eŋ alǧaşqy öŋırlık ūiym. İnvestorlardy tartu, arnaiy ekonomikalyq aimaqtardy damytuǧa järdemdesu jäne elordada turizmdı damytu maqsatynda qūrylǧan kompaniiada atqaryp jatqan jūmystar turaly qalalyq kommunikasiialar qyzmetı alaŋynda ötken baspasöz mäslihaty barysynda «Astana Invest» JŞS basqarma töraǧasynyŋ orynbasary İsatai Adresov baiandady.
Basqarma töraǧasynyŋ orynbasary aitqandai, Astana qalasy boiynşa negızgı kapitalǧa investisiialar soŋǧy 3 jylda 3,8 trln teŋgenı qūrady. 2022 jyly bas qalanyŋ negızgı kapitalǧa investisiialar kölemı rekordtyq körsetkış – 1,4 trln teŋgege jettı. Naqty kölem indeksı – 112,7%, ol jergılıktı kompaniialardyŋ negızgı kapitalǧa investisiialary esebınen ösıp otyr. QR negızgı kapitalyna investisiialardyŋ jalpy kölemındegı Astananyŋ üles salmaǧy 9,6% qūraidy.
– Tıkelei şeteldık investisiia ösıp keledı. Soŋǧy üş jylda Astana qalasyna 2,4 mlrd AQŞ dollary kölemınde şeteldık investisiia tartyldy. 2022 jyldyŋ toǧyz aiyndaǧy jaǧdai boiynşa TŞİ kölemı 740,9 mln AQŞ dollaryn qūrady, iaǧni 2021 jyldyŋ säikes kezeŋımen salystyrǧanda ösım – 7%, – dedı İ.Adresov.
Jalpy, «Astana Invest» qalalyq investisiialardy damytu ortalyǧy «bır tereze» qaǧidaty boiynşa investorlardy tartu jäne institusionaldyq qoldau, memlekettık-jekemenşık ärıptestık jobalaryn, arnaiy ekonomikalyq aimaqtardy damytuǧa järdemdesu jäne elordada turizmdı damytu maqsatynda qūryldy. «Astana Invest» märtebesı Astana qalasy äkımınıŋ 2019 jylǧy säuırındegı ökımımen aimaqtyq ūiymnyŋ aldynda bekıtılgen.
– Bızdıŋ kompaniia investorlardy memlekettık qoldau şaralary boiynşa konsultativtık kömek körsetu, onyŋ ışınde konsessiialyq jäne MJÄ jobalary, investisiialyq jobany ıske asyru üşın jer uchaskesın taŋdauǧa järdemdesu, arnaiy ekonomikalyq aimaqtar, turizmdı damytu qyzmetın körsetedı. Kompaniiadaǧy 150 jobanyŋ jalpy investisiia kölemı 1053,61 mlrd teŋgenı qūraidy. Osy jobalardyŋ arqasynda qalada 13 myŋnan astam jūmys orny aşyldy, – dedı basqarma töraǧasynyŋ orynbasary.
Kompaniianyŋ jobalyq pulyndaǧy eŋ köp investisiialanǧan salalar bılım beru – 45 joba, investisiia kölemı – 117,88 mlrd teŋge; önerkäsıp – 33 joba, investisiia kölemı – 109,06 mlrd teŋge; logistika – 33 joba, investisiia kölemı – 131,93 mlrd teŋge; sport nysandary jäne t. b. – 17 joba, investisiia kölemı – 15,39 mlrd teŋge.
– Kompaniiamyz jüzege asyrǧan eŋ ırı jobalar: «Alpamys School», «CA Garden Schools», «Tamos Space School» JŞS-lary jäne «Nūrly-Astana» KQ. Atap aitsaq, «Alpamys School» JŞS – balabaqşasy bar jeke mektep, investisiia kölemı – 5,7 mlrd teŋge. «CA Garden Schools» JŞS – jekemenşık jalpy bılım beru mektebı, investisiia kölemı – 4,5 mlrd teŋge. «Tamos Space School» JŞS – jeke mektep, investisiia kölemı – 3,5 mlrd teŋge. «Nūrly-Astana» KQ – orta mektep, investisiia kölemı – 3,3 mlrd teŋge. Sondai-aq, «ADD Sport Astana» JŞS – köpsalaly sport keşenı, investisiia kölemı – 2,8 mlrd teŋge, – dedı «Astana Invest» JŞS basqarma töraǧasynyŋ orynbasary.
2023 jyly 93,64 mlrd teŋgenı qūraityn 19 jobany ıske qosu josparlanuda. Olardyŋ qatarynda «ORPT» AQ – zamanaui logistikalyq keşen; «Rainbow Logistics» JŞS – logistika parkı; «Erketai» JŞS – balabaqşasy bar jeke mektep; «International Education Council» JŞS – jeke mektep; «Spectrum» JŞS – halyqaralyq mektep-balabaqşasy bar.
Qalada investisiialyq kelısımşart boiynşa investorlardy memlekettık qoldaudyŋ bırqatar şarasy qarastyrylǧan, mysaly: jer, ǧimarattar jäne jabdyqtar türındegı zattai granttar; salyq jeŋıldıkterı: şikızat pen jabdyq importyna QQS, KTS, jer salyǧy, mülık salyǧy = 0%; kedendık jeŋıldıkter: jabdyqty jäne şikızatty äkelu üşın 5 jylǧa deiın kedendık baj salyǧy 0%; qajettı infraqūrylymdy jetkızu; kvotadan tys şeteldık jūmys küşın tartu qarastyrylǧan. «Bır tereze» qaǧidaty boiynşa jūmys ısteitın kompaniia investorlardyŋ barlyq mäselesı boiynşa tegın keŋes beredı, sonymen qatar ıske qosylǧanǧa deiın investisiia jobalaryn jüzege asyruǧa kömektesedı
