Astanada kommunaldy mülıktı senımdı basqaruǧa beru arqyly investisiialardy tartu jūmystary belsendı türde jürgızılude. Osy jūmystar nätijesınde qala nysandaryna 1,8 mlrd teŋgeden artyq investisiia tartyldy. Būl soma jyl saiyn ūlǧaiyp otyrady dep kütılude.
Atalǧan jūmystyŋ tiımdılıgı turaly Astana qalasy Aktivter jäne memlekettık satyp alu basqarmasynyŋ basşysy Ersın Ötebaev qalalyq mäslihattyŋ biudjet, ekonomika, önerkäsıp jäne käsıpkerlık mäselelerı jönındegı tūraqty komissiiasynyŋ otyrysynda baiandady.
Memlekettık-jekemenşık ärıptestıktı damytu mehanizmderınıŋ bırı – kommunaldy mülıktı senımdı basqaruǧa beru ekenın aitqan baiandamaşy būl jūmys keiınnen satyp alu qūqyǧynsyz senımdı basqaruǧa beru, keiınnen satyp alu qūqyǧymen senımdı basqaruǧa beru jäne jarǧylyq kapitalyn töleuge beruge deiıngı senımdı basqaruǧa beru sekıldı üş baǧytty qamtyǧanyn jetkızdı.
Keiınnen satyp alu qūqyǧynsyz senımdı basqaruǧa beru boiynşa 10 joba ıske asyryldy. Sonyŋ ışınde «Alau» atys tirı, №59 mektep-liseiı aumaǧynda ornalasqan jabyq futbol alaŋy bar. Atalǧan nysandarǧa qūiylǧan investisiianyŋ jalpy kölemı 410 mln teŋgenı qūrady. Atap aitqanda, «Alau» atys tirıne investor halyqaralyq deŋgeidegı qūrylǧylar satyp alyp, ornatty.
R.Qoşqarbaev, Abai jäne Ş.Qūdaiberdıūly daŋǧyldaryndaǧy aula klubtary 5 jyl merzımıne senımdı basqaruǧa berıldı. İnvestisiia – 200 mln teŋge. Būl qatarda «Astanalyq» saiabaq ta bar (180 mln teŋge). Nysanǧa 2021 jylǧa deiın taǧy 200 mln teŋge tartylady dep josparlanuda. «Alau» mūzaidyny saraiynda ornalasqan qonaqüi keşenı men Bögenbai batyr daŋǧylyndaǧy jerasty jaiau jürgınşıler joly syndy ekı nysanǧa 250 mln teŋge investisiia tartyldy.
Qalada sanitarlyq tazartu jūmystary da memlekettık-jekemenşık ärıptestık aiasynda jüzege asyrylyp jatyr. Jasalǧan kelısımşartqa säikes investorǧa 36 arnaiy tehnika senımdı basqaruǧa berıldı. İnvestisiialyq mındettemeler negızınde investor jalpy qūny 259 mln teŋgenı qūraityn 3500 konteiner satyp alyp ornatty.
Kommunaldy mülıktı keiınnen satyp alu qūqyǧymen senımdı basqaruǧa beru boiynşa 8 joba jüzege asyryluda. Sonyŋ ışıne qanatqaqty joba bolyp otyrǧan mınez-qūlqynda auytquşylyǧy bar, zaŋmen dauda tūrǧan, ata-analary sottalǧan, otbasynda zardap şekken kämeletke tolmaǧan balalardy qoldau ortalyǧy kırıp otyr. «Qūqyq» qoǧamdyq qory ıske asyryp jatqan būl joba ülgısımen elımızde ortalyqtar aşyluda.
Grepplingtı damytudyŋ jekpe-jek ortalyǧy, Äleumettık oŋaltu jäne estu qabıletı boiynşa mügedekterge arnalǧan järdem körsetu ortalyǧy, Ūlttyq mädeni mūrany saqtau, dästürlı qolöner men halyq käsıbın qaita jaŋǧyrtu jäne taratu ortalyǧy, Qazaqstan qoǧamynyŋ mädeni jäne ruhani damuyna jäne halyqaralyq mädeni bailanystardy ornatuǧa järdem körsetu ortalyǧy, Astana qalasynyŋ jäne jalpy Qazaqstannyŋ turizmı turaly bedeldı materialdaryn otandyq jäne şeteldık basylymdarǧa daiyndau jäne ornalastyru jönındegı baspa üiı sekıldı nysandar da osy qatarda.
Jekeşelendırudıŋ 2016-2020 jyldarǧa arnalǧan keşendı jospary aiasynda 5 jyl merzımıne keiınnen satyp alu qūqyǧymen senımdı basqaruǧa berılgen jobalardyŋ bırı – «Stomatologiia» oqu-klinikalyq ortalyǧy» JŞS. İnvestor stomatologiialyq emhanalardy qaita jaŋartu jäne jöndeuge qarjy qūidy. Käsıporynnyŋ materialdyq-tehnikalyq bazasy jaŋartylyp, jaŋa stomatologiialyq jabdyqtar satyp alyndy. Būl jobalar boiynşa investisiianyŋ jalpy kölemı 480,3 mln teŋgenı qūrady.
Sonymen qatar kommunaldy mülıktı tiımdı qoldanu jäne sport nysandaryn ortalyqtan basqaru, olardyŋ kommersiialandyruyn damytu maqsatynda «Astana» äleumettık-käsıpkerlık korporasiiasy» AQ senımdı basqaruyna «Barys-Arena» köp beiındık mūz saraiy, «Qazaqstan» sport saraiy, jyljymaityn mülık nysandary (tūrǧyn emes oryn-jailar, qūrylysy aiaqtalmaǧan nysandar) berıldı.
E.Ötebaev osy jyly senımdı basqaruǧa beruge josparlanyp otyrǧan nysandardan da habar berdı. «Kommunaldyq menşık nysandaryna investisiia tartu jūmystary belsendı jürgızılude. Būl şara memlekettık biudjetke tüsetın salmaqty bırşama jeŋıldetedı» dep tüiındedı öz sözın baiandamaşy.
