Astanada halyqaralyq deŋgeidegı medisina, bılım beru mekemelerı jäne sol jaǧalauda zamanaui ülgıdegı sauda alaŋy, iaǧni ülken bazarlar salynady. Būl turaly «Elorda tynysy» radiohabarynda mälım boldy.
SOL JAǦALAUDA IRI BAZARLAR SALYNADY
«Elorda tynysy» radiohabarynyŋ kezektı qonaǧy bolǧan «Astana» ÄKK ŪK» AQ Basqarma töraǧasynyŋ orynbasary Bauyrjan Kankin men «Kazakh Invest» ŪK» AQ öŋırlık direktory, Astana qalasy äkımınıŋ investisiia jönındegı keŋesşısı Mädina Kökbaeva investisiialyq klimat taqyrybyn qauzap, elordadaǧy jüzege asyp jatqan jäne bolaşaqtyŋ enşısındegı bırqatar jobalar jaily äŋgımeledı.
«Astana» ÄKK ŪK» AQ Basqarma töraǧasynyŋ orynbasary Bauyrjan Kankinnıŋ aituynşa, elordanyŋ sol jaǧalauynda ekı bazar salynady. Būl jobaǧa arnalǧan jer de daiyn körınedı.
– Jalpy, Astanadaǧy bazarlar oŋ jaǧalaudaǧy bır maŋda ornalasqan ǧoi. Olardyŋ barlyǧy būrynǧy, iaǧni Keŋes zamanynyŋ stilınde salynǧan. Sonymen qatar ol jaqqa arnaiy baru üşın bırşama uaqyt ketedı. Onymen qosa onda kölık keptelısı de jiı bolady. Osyndai jaisyzdyqtardy boldyrmas üşın elordanyŋ sol jaǧalauynyŋ ekı bölıgıne zamanaui ırı bazarlar salu josparlanuda. Mysaly, ekı bazardyŋ bırı Qorǧaljyn tas jolynyŋ boiynda, Qaraötkel (İlinka) maŋynda salynuy mümkın, – degen B.Kankin enşılerındegı 30 jobanyŋ jyl soŋyna deiın beseuın jüzege asyru josparlarynda tūrǧanyn atap öttı.
HALYQARALYQ MEDİSİNA, BILIM MEKEMELERI QAJET
Öz kezegınde Mädina Kökbaeva aldaǧy uaqytta elordada halyqaralyq deŋgeidegı auruhana men balabaqşa, mektep salynatynyn jetkızdı.
– Şeteldık investorlardy tartudaǧy basty mäsele – osy, iaǧni auruhana, balabaqşa, mektep. İnvestorlar da bızdıŋ elge kelmes būryn eŋ äuelı osyny sūraidy. Öitkenı olardyŋ otbasyna barlyq jailylyq qajet. Şeteldıkter būl jaǧyna basa män beredı. Sondyqtan zaman talabyna sai, halyqaralyq deŋgeide qyzmet körsetetın medisinalyq mekeme, bılım beru ortalyqtaryn saludy josparlap otyrmyz, – degen M.Kökbaeva özınıŋ qyzmetı jaily da aityp öttı. – Menıŋ investisiia salasynda azdy-
köptı täjıribem bar. Mysaly, būryn QR İnvestisiia jäne damu ministrlıgınde qyzmet ıstegen bolatynmyn. Ol kezdegı jūmysymyz bükıl respublikany qamtyǧan edı. Iаǧni özge öŋırlerdegı jobalardy da jüzege asyru üşın investorlardy jūmyldyratynbyz. Al qazır maǧan jüktelgen mındet – tek qana Astana aumaǧyndaǧy jobalardy jüzege asyruǧa küş salu. Bıraq maǧan osy qyzyqtyraq sekıldı. Öitkenı basqa öŋırlerdegı jobalardyŋ jüzege asqanyn elordada otyryp, soŋyna deiın baqylauǧa mümkındıgımız bolmaidy. Sondyqtan da ony ünemı közben körmegendıkten, jobanyŋ qandai deŋgeide jüzege asyp jatqanynan beihabar bolasyŋ. Al Astanadaǧy jobalardyŋ jönı bölek. Onyŋ kem-ketıgı bolsa, sol boiynşa investorlarǧa qol ūşyn sozuǧa mümkındık bar.
KREATİVTI JOBALARDY KÜTEDI
Söz arasynda Bauyrjan Kankin «Astana» äleumettık-käsıpkerlık korporasiiasy ideiasy bar adamdardyŋ qandai biznes-jobalaryn jüzege asyruǧa atsalysatynyn jetkızdı.
– Bız ideiaşyl adamdardy qoldaimyz.
Bızdıŋ enşımızdegı jobalardyŋ bırı – elorda köşelerıne ötpelı alaŋşalar salu. Iаǧni, töbesı men jan-jaǧynyŋ barlyǧy äinekpen jabdyqtalatyn būl ötpelı alaŋşalardyŋ esıgı kez kelgen adamǧa kündız-tünı aiqara aşyq bolady. Aşyq aspan astynda elordalyqtar men qala qonaqtaryna emın-erkın qydyryp jüruge mümkındık jasalady. Tek osyǧan qyzyǧuşylyq tanytatyn investorlar tabylsa, būl jobany jüzege asyrudyŋ auyly alys emes
Bıraq ūsynatyn joba būrynnan qoldanystaǧy ädettegı biznes türı bolmauy qajet. Mäselen, qarapaiym kölık juu keşenın aşqysy keletınder bızge kelmei-aq qoisa da bolady. Nege deseŋız, mūndai jaǧdaida bız olarǧa «Kryşa», «Olx.kz» siiaqty mobildı qosymşalardan habarlandyrulardy qarauǧa keŋes berıp, şyǧaryp salamyz. Eger kölık juu keşenın emes, jylyjai salǧysy keletınder bolsa, jobasyn qarauǧa bolady. Bız tek kreativtı, joiqyn jobalardy kütemız. Ondai jaǧdaida, bırıgıp jūmys jasauǧa ärdaiym äzırmız, – deidı B.Kankin. – Bızdıŋ enşımızdegı jobalardyŋ bırı – elorda köşelerıne ötpelı alaŋşalar salu. Iаǧni, töbesı men jan-jaǧynyŋ barlyǧy äinekpen jabdyqtalatyn būl ötpelı alaŋşalardyŋ esıgı kez kelgen adamǧa kündız-tünı aiqara aşyq bolady. Eşqandai şekteu qoiylmaidy. Aşyq aspan astynda elordalyqtar men qala qonaqtaryna emın-erkın qydyryp jüruge mümkındık jasalady. Tek osyǧan qyzyǧuşylyq tanytatyn investorlar tabylsa, būl jobany jüzege asyrudyŋ auyly alys emes.
ENŞILES KOMPANİIаLAR MÜDDESI ORTAQ
Sonymen qatar «Astana» ÄKK ŪK» AQ Basqarma töraǧasynyŋ orynbasary söz arasynda jüzege asyrylǧan joba turaly da äŋgımeledı.
– «ASTANA TAXI» investisiialyq jobasyn atap ötkım kelıp tūr. Būl – zaŋdy avtotasymaldauşylardyŋ sanyn arttyryp, halyqtyŋ jürıp-tūru qauıpsızdıgın qamtamasyz etu maqsatynda jüzege asqan joba. Atalmyş jobanyŋ jüzege asuyna eşqandai qiyndyq tuyndaǧan joq. Tek Astana qalasy Avtomobil joldary, Jolauşylar kölıgı basqarmalarymen jäne basqa da bırqatar mekemelermen bırşama kelıssözder jürgızıldı. Osynyŋ nätijesınde «ASTANA TAXI» jürgızuşılerı Bus lane jolaǧymen jüruge mümkındık aldy. Sonyŋ arqasynda atalmyş taksi jürgızuşılerı jolauşylardy dıttegen jerıne jyldam jetkızıp, sapaly qyzmet körsetude. Būl tūrǧyda 300 su jaŋa avtokölık satyp alynǧan bolatyn. Bıraq eger osy taksi arqyly näpaqasyn tabuǧa niettıler bolsa, jürgızuşıler öz kölıkterımen de jūmysqa qabyldanady. Tek kölıkterı talapqa sai boluy tiıs, – deidı ol.
Radiohabar barysynda spikerler käsıpkerlık, biznes salasyndaǧy Astana qalasy Käsıpkerlık jäne önerkäsıp, İnvestisiia jäne damu basqarmalary siiaqty mekemeler men «AstanaInvest» qalalyq investisiialar damu ortalyǧy, «Astana» ÄKK ŪK» AQ, «Kazakh Invest» ŪK» AQ syndy enşıles kompaniialardyŋ özara bäsekeles emes ekenın, kerısınşe, bır-bırınıŋ ornyn tolyqtyryp otyratynyn, müddelerı de ortaq ekenın aitty.
Nūrdäulet Käkışev
