Öndırıs» jäne «Kirpichnyi» tūrǧyn alaptarynda nöser sulary kärızınıŋ qūrylysy tolyǧymen aiaqtalmaǧandyqtan jaŋa jelılerge qosylmaǧan. Jaqynda Nūr-Sūltan qalasy mäslihatynyŋ deputaty Zeinolla Şıbkenov mäslihattyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiianyŋ otyrysynda osy mäselenı köterıp, «Şūbar» şaǧyn audanynda da tiıstı jūmystar jürgızılmegenın atap öttı.
– «Öndırıs» pen «Kirpichnyidy» jaŋa jelılerge qosu nietı bolǧan. Bıraq su qysymy qatty bolǧandyqtan, jelıler şydamady. Sondyqtan būl jūmys toqtatyldy. Būl tūrǧyn alaptar aumaǧyn öndırıstık aimaqqa ainaldyru turaly aityldy. Bıraq naqty äreketter jasalmaǧan. Onyŋ üstıne sol kentterde orta mektep salynaiyn dep jatyr. №23 orta mektepke öte jaqsy japsarjai salyndy. Onyŋ janynda taǧy №34 orta mektep bar. Onda jaŋa mekteptı nege salamyz? Būl qyruar qarjyny qajet etedı ǧoi. Aumaq öndırıstık aimaqqa ainalatyn bolsa, qanşama qarjy dalaǧa ketedı ǧoi. Al «Şūbar» şaǧyn audany qalanyŋ ortalyǧynda ornalasqan. Mūnda kärız jüiesı joq. Sumen jabdyqtau da tiıstı deŋgeide emes. Şaǧyn audandy süru jospary bar. Bıraq būl ıs tym sozylyp kettı. Sol sebepten onyŋ injenerlık jelılerın retke keltıru ısı öte özektı bolyp otyr, – dedı deputat.
«İnternasionalnyi» tūrǧyn alabynda da kärız jüiesı boiynşa mäsele tuyndap otyr. Tūrǧyndar osy mäselege qatysty qalalyq mäslihatqa şaǧym tüsırgen. Mūny mäslihat hatşysynyŋ mındetın atqaruşy Mäjit Şaidarov aitty.
Juyrda ol azamattardy onlain formatta qabyldady. Sol kezde «Ürker» köppäterlı tūrǧyn üi keşenınıŋ tūrǧyny Tölegen İbraev oǧan özı tūratyn E 583 köşesınıŋ jaǧdaiyn jetkızdı. Zeinetkerdıŋ aituynşa,üş jyl boiy būl köşenı kärız qaldyqtary basyp jatyr. Bıraq ärtürlı jauapty organdarǧa qanşa şaǧymdansa da, mäsele älı şeşılmegen küiı tūr. Qolqany qabatyn iıs töŋırektı alyp ketken. Būǧan qosa su basady. Tūrǧyndar sol sebepten künde 109 nömırıne şaǧymdanady. Būl mäsele boiynşa M.Şaidarov qalalyq Otyn-energetikalyq keşenı jäne kommunaldyq şaruaşylyq basqarmasynyŋ basşysy Tölegen Qūlyşev pen Esıl audany äkımdıgınen tūrǧyndar ötınışın jerge tastamauyn sūrady.
Mäslihat deputaty Miras Şekenov qalany sumen qamtu jaiyn köterıp, Taldyköldı qūrǧatu jobasy qaşan aiaqtalatynyn sūrady. «Ürker» tūrǧyn alabynyŋ injenerlık jelılerı jaiyn qozǧap, sonyŋ ışınde KNS-39 boiynşa mäsele tuyndap jatqanyn aitty.
T.Qūlyşevtıŋ mälımdeuınşe, «Ürker» tūrǧyn alabynyŋ injenerlık jelılerı mäselesımen ekı merdıger ainalysyp jatyr. 10 sorǧynyŋ janyp ketıp, keibıreuınıŋ ūrlanuy jūmysty jedeldetuge kedergı keltırgen. Tiıstı tapsyrys berıldı. 10-15 künnıŋ ışınde jaŋa sorǧylar jetkızılıp, auystyrylady. Al Taldyköl Esıl audany äkımdıgınıŋ balansyna berılgen. Bolaşaqta köl jaǧasynda saiabaq salu josparlanyp otyr.
