Elbasy Nūrsūltan Nazarbaev Astanada ötken İslam yntymaqtastyǧy ūiymynyŋ ǧylym jäne tehnologiialar jönındegı bırınşı sammitınıŋ plenarlyq otyrysyna qatysty.Memleket basşysy jiyndy aşyp, būl basqosu islam tarihynda erekşe ız qaldyrady dep senım bıldıretının aitty.
Nūrsūltan Nazarbaev qazaq halqynyŋ islam älemımen qarym-qatynasy ejelgı zamannan tamyr tartatynyn atap öttı.
– Bızdıŋ baitaq dalamyzǧa islam dını būdan myŋ jyldan astam uaqyt būryn keldı. Elımız islam men batys örkenietterı arasyndaǧy dostyq dialogqa däneker bolyp otyr, – dedı Qazaqstan Prezidentı.Memleket basşysy mūsylman ümbetı betpe-bet kelıp otyrǧan qazırgı syn-qaterlerge toqtaldy.
– Bırınşıden, ekstremistık jäne terroristık ūiymdar keŋınen etek aluda. Olardyŋ laŋkestık äreketterınıŋ nätijesınde, bırınşı kezekte mūsylman älemı elderınıŋ azamattary zardap şegıp otyr. Ekınşıden, islamofobiialyq pıkır qoǧam ışınde keŋ taraluda. Batys elderınde mūsylmandarǧa qarsy qylmystyq äreketter jyl saiyn köbeiıp keledı, – dedı Nūrsūltan Nazarbaev.Sondai-aq, Qazaqstan Prezidentı Mianmada bolǧan jaǧdaiǧa bailanysty alaŋdauşylyq bıldırıp, barlyq tarapty būl problemany BŪŪ alaŋyndaǧy dialog aiasynda tek beibıt jolmen şeşuge şaqyrdy.
Nūrsūltan Nazarbaev mūsylman elderındegı ǧalymdardyŋ ızdenısterıne qoldau körsetudıŋ maŋyzdylyǧyna nazar audaryp, ūiym aiasynda ǧylym men tehnologiialardy damytuǧa qosqan üles üşın berıletın syilyq taǧaiyndau turaly şeşım qabyldanǧanyn aitty.
– İnnovasiialyq klasterler ǧylymdy qamtityn ornyqty ekonomikany qalyptastyrudyŋ negızı bolyp sanalady. Qazaqstan osyndai klasterlerdı Nazarbaev universitetı men İnnovasiialyq tehnologiialar parkı bazasynda belsendı damytuda. İslam yntymaqtastyǧy ūiymynyŋ barlyq elderınıŋ ǧalymdary men zertteuşılerın osy jūmystarǧa belsendı atsalysuǧa şaqyramyn, – dedı Memleket basşysy.Būdan bölek, Qazaqstan Prezidentı ǧylym men innovasiiany islamdyq qarjylandyrudyŋ rölın arttyru maŋyzdy ekenın atap öttı.
– Bız «EKSPO-2017» körmesın ötkızdık. Endı onyŋ aumaǧynda «Astana» halyqaralyq qarjy ortalyǧy jūmysyn bastaidy. Sızderdı islam qarjysy salasyndaǧy yntymaqtastyqty arttyruǧa şaqyramyz, – dedı Nūrsūltan Nazarbaev.Memleket basşysy jasyl tehnologiialardy damytu mäselesıne toqtalyp, jasyl tehnologiia men investisiiany damytu jönındegı halyqaralyq ortalyqtyŋ äleuetın tiımdı paidalanudy ūsyndy.Memleket basşysy aldyŋǧy qatarly Batys elderımen ǧylym jäne tehnologiialardy damytu mäselelerı boiynşa bailanystar ornatu qajet ekenın atap öttı.
– Bız köpūltty jäne köpkonfessiialy qoǧamda dınaralyq kelısımdı saqtaudyŋ qazaqstandyq täjıribesın bölısuge äzırmız. Sondai-aq, bärıŋızdı 2018 jyly ötetın Älemdık jäne dästürlı dınder köşbasşylarynyŋ altynşy sezıne şaqyramyn, – dedı Qazaqstan Prezidentı.Soŋynda Nūrsūltan Nazarbaev Taiau Şyǧysta jäne islam älemı elderınde beibıtşılık pen tūraqtylyqty saqtauǧa şaqyrdy.
– Söz soŋynda, ūrpaqtarymyz islam älemınıŋ bırlıgıne, yntymaqtastyǧy men bolaşaǧyna arnalǧan bügıngı tarihi forumǧa joǧary baǧa beredı dep oilaimyn, – dedı Memleket basşysy.Sondai-aq, sammittıŋ plenarlyq otyrysynda Türkiia Respublikasynyŋ Prezidentı R.Erdoǧan, Päkıstan İslam Respublikasynyŋ Prezidentı M.Husein, Mavritaniia İslam Respublikasynyŋ Prezidentı Mohammed uld Äbdel-Äziz, Özbekstan Respublikasynyŋ Prezidentı Ş.Mirziioev, Gvineia Prezidentı A.Konde, İran İslam Respublikasynyŋ Prezidentı H.Ruhani, İslam yntymaqtastyǧy ūiymynyŋ bas hatşysy Iýsef ben Ahmad äl-Oseimin söz söiledı.
