Elorda äkımınıŋ orynbasary Qosman Aitmūhametov İtaliianyŋ Komo qalasynan kelgen delegasiia ökılderımen kezdestı. Taraptar energetika, infraqūrylym salasyndaǧy ekıjaqty yntymaqtastyqty, sondai-aq, Astanany «EKSPO 2017» halyqaralyq körmesıne daiyndau mäselesın talqylady dep habarlady qala äkımdıgınıŋ baspasöz qyzmetı.
Kezdesu barysynda Qosman Aitmūhametov ekı el arasyndaǧy äleumettık-ekonomikalyq ıs-qimyldyŋ nätijelılıgıne toqtaldy.
– Qazaqstan men İtaliia tyǧyz dostyq qarym-qatynas ornatty. Sauda-ekonomikalyq, mädeni-gumanitarlyq qatynas salalarynda özara yqpaldastyq etu üşın barlyq jaǧdailar jasalǧan. Memleketaralyq bailanystardyŋ ärtürlı deŋgeilerınde bailanys belsendı damu üstınde, – dedı şahar basşysynyŋ orynbasary.
Apennindık qonaqtar 2017 jylǧy körmenıŋ atauyna erekşe qyzyǧuşylyqtaryn jasyrmady. Delegasiia qūramyndaǧylarǧa «jasyl energiia» taqyryby jaqyn eken. Öitkenı, Komo qalasy – belgılı fizik, elektr ılımınıŋ negızın qalauşylardyŋ bırı, tūŋǧyş ret tūraqty tok közın aşqan ǧalym Alessandro Voltanyŋ tuǧan jerı. Elektr kerneuınıŋ ölşem bırlıgı onyŋ qūrmetıne atalǧan. Osy oraida şeteldık qonaqtar italiialyq pavilon aiasynda elektr quatynyŋ damu tarihyna arnalǧan ekspozisiiany ūsynuǧa daiyn ekendıkterın jetkızdı.
Qosman Aitmūhametov būl ılkımdı bastamany qoldap, «EKSPO 2017» körmesınıŋ balamaly quat közderıne qatysty jaŋa jobalarǧa mūryndyq bolatynyn atap öttı.
astana-akshamy.kz
