Elordadaǧy «Arbat» jaiau jürgınşıler alaŋynda «Jastarǧa jūmys» bos jūmys oryndary järmeŋkesı ūiymdastyryldy. Amanat partiiasynyŋ «Jastar ruhy» jastar qanaty ūiytqy bolǧan ıs-şarada 70-ten asa kompaniia 1500 vakansiia ūsyndy.
Amanat partiiasy Eŋbek jäne halyqty äleumettık qorǧau ministrlıgımen bırge «Jastarǧa jūmys» jobasyn ıske qosqaly Astana qalasynda 3-ret jūmys ızdep jürgen jastarǧa arnalǧan järmeŋke ūiymdastyryldy.
«Jastar ruhy» jastar qanatynyŋ töraǧasy Nūrjan Jetpısbai:
– Bügıngı ıs-şaraǧa elordalyq kompaniialarmen qatar «Qazaqstan temir joly» ŪK» AQ, «Qazpochta» AQ, «Qazaqtelekom» AQ, «Samruk-Kazyna Ondeu» JŞS, «Jolauşylar tasymaly» JŞS, «Bogatyr kömır» JŞS jäne taǧy basqa ırı-ırı jūmys beruşı kompaniialar qatysyp otyr. Mūnda jastar bılım beru, medisina, qūqyq qorǧau, qūrylys jäne tehnikalyq mamandyqtar boiynşa jūmys tabuǧa mümkındıgı mol. Basty artyqşylyǧy – tūraqty jūmys oryndary ūsynylady, – dedı.
«Astana tazalyq» JŞS järmeŋkege keluşılerge 242 vakansiia ūsyndy. Onyŋ 160-y jol jūmysşylary bolsa, 82-sı – türlı kategoriiadaǧy auyr kölıktıŋ jürgızuşısı. Jol jūmysşylarynyŋ jalaqysy 160 myŋ teŋgeden bastalsa, kölık jürgızuşılerı 250 myŋ teŋgeden joǧary alady.
«GIB» JŞS dänekerleuşı, öndırıs operatory mamandyǧy boiynşa jūmysşylar ızdeitının bıldık. «ULAGAT» Ūlttyq bılım akademiiasy» JŞS pedagogikalyq mamandyqtar boiynşa bos jūmys ūsyndy. Medisinalyq ortalyqtar, mektepter men balabaqşalar, jelılık kompaniialar da jastardy jūmysqa şaqyryp, özderınıŋ talap-mındetterın tüsındırdı.
Järmeŋkede jūmys ızdegen Aqnūr Baqtiiarmen tıldestık. Ol «SF» tättı taǧamdar jelısı ūsynǧan jūmysqa baratynyn aitty.
– Kompaniia menedjerı Aizada Satymbaevadan negızgı talabyn bıldım. Aspazşynyŋ kömekşısı boiynşa jūmys ısteimın. Bır künnıŋ aqysy 7 myŋ teŋgemen eseptelıp, ekı apta saiyn tūraqty jalaqy berıledı eken, – dedı belsendı jas Aqnūr.
Qysqasy, järmeŋkege baryp ızdegenge jūmystyŋ retı tabylar. Tek niet pen yqylas bolsa bolǧany.
