İzrailde konsuldyq esepke alynbaǧan 400-den astam qazaqstandyq boluy mümkın. Būl turaly Syrtqy ıster ministrınıŋ resmi ökılı Aibek Smadiiarov mälımdedı.
«7 qazanda İzraildegı äskeri-saiasi jaǧdaidyŋ şielenısuıne bailanysty Qazaqstannyŋ syrtqy ıster ministrlıgınde jedel ştab qūrylyp, şeteldegı tötenşe jaǧdailar kezındegı ıs-qimyl algoritmın dereu oryndauǧa kırıstı. Syrtqy ıster ministrlıgınde jäne Qazaqstannyŋ Tel-Avivtegı elşılıgınde İzrail aumaǧyndaǧy QR azamattary men olardyŋ elımızdegı tuystary üşın jedel jelı aşyldy. Osy ekı kün ışınde otandastarymyzdan 500-den asa qoŋyrau tüsıp, olarǧa jauap berıldı. Qazır Qazaqstannyŋ İzraildegı elşılık-konsuldyq esebınde 77 azamat tırkelgen. Onyŋ ışınde elşılık qyzmetkerlerı men olardyŋ otbasy müşelerı bar» dedı Aibek Smadiiarov.
Resmi aqparat boiynşa, İzraildıŋ joǧary oqu oryndarynda Qazaqstannyŋ 5 studentı oqidy. Sondai-aq 30-ǧa juyq qazaqstandyq jergılıktı türlı medisinalyq mekemelerde taǧylymdamadan ötıp jatyr. Barlyǧy – 112 adam. «Tel-Avivtegı diplomattarymyz İzraildegı Qazaqstan azamattarymen tūraqty bailanysta jäne olarmen jedel ıs-qimyl jasau maqsatynda messendjerde chat qūrdy. Qazır İzrailde tūratyn 200-ge juyq Qazaqstan azamaty qosylǧan. Būl chatta otandastarymyz özderınıŋ tūratyn jerı turaly aqparat berıp, diplomattarmen tūraqty bailanys ornatty» dedı SIM resmi ökılı.
Onyŋ aituynşa, İzrailde qaza bolǧan, zardap şekken, kepılge alynǧan qazaqstandyqtar turaly aqparat tüspegen. Endı Qazaqstan elşılıgı Air Astana äuekompaniiasymen bırlesıp, Qazaqstanǧa oraluǧa niet bıldırgen azamattardyŋ tızımın jasau, sondai-aq olardy qauıpsız jerge jetkızu boiynşa pysyqtau jūmystaryn jürgızıp jatyr. Osy uaqytqa deiın Qazaqstanǧa oraluǧa 118 azamat niet bıldırgen. «1-2 kün ışınde Ükımet deŋgeiınde Tel-Avivke jıberıletın reportasiialyq reistı ūiymdastyru mäselesı pysyqtalyp jatyr. Qazaqstannyŋ Tel-Avivtegı elşılıgınıŋ boljamy boiynşa İzrailde konsuldyq esepke tūrmaǧan 400-den astam qazaqstandyq boluy mümkın» dedı Aibek Smadiiarov.
