Memleket basşysy Qasym-Jomart Toqaevtyŋ «Bız tabiǧatty lastauǧa qarsymyz!» atty jalpyūlttyq aksiiasy aiasynda elordada ekologiialyq senbılık ūiymdastyrylyp, oǧan 3600 adam qatysty. Belsendı tūrǧyndar elordanyŋ ainalasyn, köppäterlı jäne jekemenşık tūrǧyn üilerdiŋ maŋy men mekeme, käsıporyndardyŋ aulalaryn mūntazdai etıp, qala aumaǧyn kül-qoqystan tazartty. Bas şahardaǧy 385 gektar aumaqtan 100 tonnaǧa juyq qoqys jinalyp, şyǧaryldy.
Ekologiialyq senbılıkke qalanyŋ tört audanynyŋ tūrǧyndary da belsene atsalysty. Qala belsendılerı äsırese elorda ainalasyndaǧy «jasyl beldeudı» qoqystan tazartuǧa erekşe küş jūmyldyrdy.
«Astana jastary» KMM basşysy Şyŋǧys Tıleulinnıŋ aituynşa, būl jolǧy senbılık būrynǧylardan özgeşe boldy.
– Qazır bız qoqys poligonyndamyz. Onyŋ syrtynda kül-qoqys tolyp jatyr. Sondyqtan bız poligonǧa ırgeles jerlerdegı qoqysty jinaiyq dep şeştık. Būl jolǧy senbılık jaŋaşa formatta öttı. Eger būryn jai ǧana kelıp aumaqty qoqystan tazartatyn bolsaq, būl joly jastar äkımdık ūiymdastyrǧan konkursqa jäne konsertke, sondai-aq sport ıs-şaralaryna belsene qatysty, – dedı Ş.Tıleulin.
Jūrtşylyqtyŋ, äsırese jastardyŋ nazaryn orman ekpelerın, demalys oryndaryn qoqyspen lastau problemasyna audara otyryp, elordadaǧy ekologiialyq jaǧdaidy jaqsartuǧa järdemdesu, qorşaǧan ortaǧa ūqypty qaraudy nasihattau maqsatynda ūiymdastyrylǧan şaraǧa 3600 adam qatysty. Olar qalanyŋ saiabaqtary men skverlerınde tazalau jūmysyn jürgızıp, 385 gektar aumaqtan 100 tonnaǧa juyq qoqys jinady. Būl rette bas şahardyŋ barlyq käsıporyndary, menşık ielerınıŋ bırlestıkterı men päter ielerınıŋ kooperativterı, şaǧyn jäne orta biznes subektılerı, erıktıler men belsendı tūrǧyndar senbılıkke şyǧyp, mekemelerınıŋ janyndaǧy alaŋdar men aula aumaqtaryn tazalady.
Ekologiialyq senbılıkke elordalyq volonterler de belsene atsalysty.
– Mūndai aksiiaǧa bırınşı ret qatysyp otyrǧan joqpyn. Menıŋ oiymşa, qazır qalada qoqys az, öitkenı jastar olardy dūrys öŋdeudı, konteinerge tastaudy üirendı. Erıktıler mūndai aksiialarda qala ışınde jäne qala syrtyndaǧy qoqystardy jinaidy. Qoqysty dūrys öŋdeu maŋyzdy ekenın atap ötkım keledı, öitkenı bız bolaşaq ūrpaqqa taza tabiǧatty qaldyru üşın qalamyzdy taza ūstaudy, qorşaǧan ortany saqtaudy üirenuımız kerek, – dedı elordalyq erıktı Samrat Qaqabaev.
Ekologiialyq aksiia aiasynda öskeleŋ ūrpaqqa arnalǧan konkurstar, atap aitqanda, armrestling, arqan tartu, gır köteru sekıldı sport oiyndary jäne qaldyqtardy bölek jinau taqyrybynda viktorinalar ötkızıldı. Jeŋımpazdarǧa alǧys hat pen syilyq tabys etıldı.
Almaty audany boiynşa jyl basynan berı osyndai ekologiialyq aksiiaǧa 44000-nan astam adam qatysty. Soŋǧy kezderı ūiymdastyrylǧan tört senbılıkte audan aumaǧyndaǧy 465 aulada tazartu jūmysy jürgızılıp, 270000 şarşy metrden asatyn saiabaqtar men skverlerdıŋ aumaǧy kül-qoqystan aryldy jäne 300-den astam aialdama pavilony juyldy. Būl şaralar barysynda audan tūrǧyndary erekşe belsendılık tanytty.
«Ülken qalany ortaq küş-jıgermen ūstauǧa bolady. Bırlesken jūmys arqyly ǧana qorşaǧan ortaǧa jaqsy kütım körsetılıp, audanymyz tazarady. Bız tūrǧyndardyŋ audanǧa degen süiıspenşılıgınıŋ artyp kele jatqanyn köremız jäne ol künnen-künge güldenude» dedı audan tūrǧyny Madiiar Nögerbekov.
Ailyq uaqytynda audan boiynşa rūqsat etılmegen bes qoqys poligony joiylyp, aumaqtan 2553,48 tonna qoqys şyǧaryldy. Qoǧamdyq keŋıstıkte 2000-ǧa juyq aǧaş otyrǧyzyldy. «Bız tabiǧattaǧy lastauǧa qarsymyz» aksiiasy aiasynda audannyŋ 450-ge juyq tūrǧyny jinalyp, «Jeleznodorojnyi», «Küigenjar», «İnternasionalnyi», «Oŋtüstık-şyǧys» tūrǧyn alaptary men «Otau» şaǧyn audanynyŋ aumaǧyn tazartty.
Is-şara soŋynda Manas köşesınen Ǧ.Mūstafin köşesıne deiın 400000 şarşy metrden astam jer tazartylyp, poligonǧa 80,52 tonna qoqys şyǧaryldy. Osy jūmystarǧa 100 bırlık tehnika tartyldy.
Ekologiialyq aksiia 15 qazanǧa deiın jalǧasady.
