Astanadaǧy «Dostyq» üiınde «Ūly dala tūlǧalary» seriiasymen jaryq körgen «Karim Mynbaev» kıtabynyŋ tanystyrylymy öttı.
Būl kıtap – osynyŋ aldynda qazaq tılınde şyqqan ǧylymi monografiianyŋ orys tılındegı audarmasy. Avtorlary – Memleket tarihy institutynyŋ ǧalymdary Seiıtqali Düisen men Jabai Qaliev. Bıraq orys tılındegı nūsqany akademiktıŋ balalary Japar Myŋbaev pen Alma Kärımqyzy jaŋa derektermen tolyqtyrdy. Sondyqtan olar qosalqy avtorlar retınde jazyldy.
Memleket tarihy instituty direktorynyŋ orynbasary, tarih ǧylymdarynyŋ doktory Bürkıtbai Aiaǧan jürgızgen jiynǧa otandyq tarihşylar men tūlǧatanuşy ǧalymdar, jas zertteuşıler qatysty. AQŞ-tan onlain bailanysqa Japar Kärımūly qosylyp, baiandama jasady.
Ol äkesı men onyŋ aralasqan ortasy, Kärım Myŋbaevtyŋ Nikolai Vavilov, Qanyş Sätbaev, Mihail Usanovich, Bauyrjan Momyşūly, Mūhtar Äuezov, Ǧabit Müsırepov, Ǧabiden Mūstafin, Qalibek Quanyşbaev, t.b. ädebiet pen mädeniet, öner men ǧalym qairatkerlerımen bailanysy, ǧalymnyŋ otbasy turaly derekterdı jetkızdı.
Biologiia ǧylymdarynyŋ doktory, myŋbaevtanuşy Äiıp Ysqaqov, L.Gumilev atyndaǧy Euraziia ūlttyq universitetı tarih fakultetınıŋ dekany Tılegen Sadyqov, Memleket tarihy institutynyŋ qyzmetkerı Amangeldı Qaşqynbaev, Qazaq ūlttyq agrarlyq zertteu universitetınıŋ professory Qairat İsahan, tarih ǧylymdarynyŋ doktory Maqsat Alpysbes akademik jaily pıkırlerın aitty.
Bır aita keterlıgı, Astanada Kärım Myŋbaevtyŋ atyna köşe men mektep beru ūsynylǧan. Būl ūsynys qazır qaralyp jatyr.
