Astananyŋ ekonomikalyq damuyna biznes salasynyŋ qosyp otyrǧan ülesı orasan. Bügıngı taŋda elordada 210 myŋǧa juyq käsıpkerlık nysany jūmys ısteidı. Biznes 460 myŋdai adamdy jūmyspen qamtyp otyr. Keşe Astana qalasynyŋ äkımı Jeŋıs Qasymbek elordalyq biznes ökılderımen kezdesu ötkızdı.
Astana qalasynyŋ äkımı Jeŋıs Qasymbek pen «Atameken» ŪKP töralqasynyŋ töraǧasy Raiymbek Batalov biznes-qoǧamdastyq ökılderımen kezdesıp, ortaq mäselelerdı talqylady.
«Aşyq mikrofon» formatynda ötken basqosuǧa qūqyq qorǧau jäne qarjy instituttarynyŋ basşylary da qatysty. Bas şahardyŋ basşysy Jeŋıs Qasymbek:
– Bügınde elordada ırgelı ıster atqaryluda käsıpkerler aitarlyqtai üles qosuda. Astana qalasynyŋ ekonomikasynda käsıpkerlık salasynyŋ ülesı 73 paiyzdy qūraidy. Qazır el ortalyǧynda 209 myŋnan astam käsıpkerlık subekt jūmys ısteidı. Qala tūrǧyndary olardyŋ qyzmetın kün saiyn türlı salalarda paidalanady. Biznes 460 myŋ adamdy jūmyspen qamtyp otyr, sondyqtan käsıpkerlerge kömek körsetu jäne tiıstı jaǧdai jasap kelemız, – dedı.
Käsıpkerlerdıŋ müddesın qorǧauǧa jauapty palatanyŋ töraǧasy Raiymbek Batalovtyŋ sözınşe, dialog alaŋynda käsıpkerler özınıŋ mäselesın ortaǧa salyp, oŋ şeşıluıne qol jetkızıp jür.
Äkım men biznesmender arasyndaǧy kezdesu aşyq dialog qūratyn platformaǧa ainalyp, köterılgen mäseleler kezeŋ-kezeŋımen şeşılıp keledı. Mäselen, 30 nauryzda ötken kezdesude 55 sūraq köterılse, sonyŋ 50-ı öz şeşımın tapty. Qalǧan 3 sūraq boiynşa jūmys jürgızılıp jatsa, memlekettık satyp aludaǧy kedergıge bailanysty ekı sūraqtyŋ naqty şeşımı bolmai tūr. Būl turaly Astana qalasy Käsıpkerler palatasynyŋ direktory Beisen Jolboldiev aitty.
Biznestı ılgerıletudıŋ tūraqty közın tauyp, jeke investisiiany yntalandyru arqyly ekonomikany ärtaraptandyruǧa bolady. Ozyq elderdıŋ täjıribesınen osyndai ülgını köruge bolady. Äsırese biznesmender elı sanalatyn Japoniia men AQŞ-ta biznestı qoldaityn palatalar qūrylyp, ärdaiym käsıpkerlerdıŋ ısı jandanuǧa män berıp keledı. Būl baǧytta Astana qalasy eldıŋ özge öŋırlerıne ülgı bola alady. Erkın formattaǧy kezdesude käsıpkerler özın tolǧandyratyn sūraqty qoiyp, naqty jauabyn alady. Alǧaşqy sūraqty Qazpotrebsoiuz joǧarǧy kolledjınıŋ direktory Myrzabek Küjımov qoidy. Onyŋ aituynşa, qazır käsıbi maman qalyptastyruda dualdy oqytu baǧdarlamasy maŋyzdy. Sapaly bılım berude teoriiany öndırıspen ūştastyra oqytatyn tehnologiianyŋ aty jaqsy bolǧanymen, bırneşe jyldan berı öz deŋgeiınde qarjylandyrylmai keledı.
Būl sūraqqa Oqu-aǧartu ministrlıgınıŋ ökılı tiıstı qūjatqa özgerıster engızılgenın, būiryqty Qarjy ministrlıgı qoldaǧan jaǧdaida, köterılgen mäsele şeşımın tabatynyn atady.
Odan keiın Mäjılıs deputaty Oljas Qūspekov söz alyp, äleumettık nysandar: mektep pen balabaqşa ısıne jauapty memlekettık organdardan jūmys tobyn qūryp, bılım salasyn damytuda bıryŋǧai strategiia äzırleudı ūsyndy.
Qala äkımı Jeŋıs Qasymbek elordada äleumettık infraqūrylymdy damytudyŋ maŋyzdy ekenın aityp, Prezidenttıŋ tapsyrmasy boiynşa «Jaily mektep» ūlttyq jobasy aiasynda jyl aiaǧyna deiın 10 mekteptıŋ esıgı aşylady.
– Şyn mänınde, Astana qalasynda jyl saiyn bala tuu jäne ışkı migrasiia esebımen 600 myŋ adamǧa köbeiude. Osydan 7-8 jyl būryn 20-22 säbi düniege kelse, qazır 33-35 myŋ bala tuady. Būl degenıŋız, mektep pen balabaqşa mäselesın tezdetıp şeşu kerektıgın körsetedı. Ūlttyq joba aiasynda salynatyn 25 mektep 45 myŋǧa juyq oquşyny qabyldaidy. Kelesı jyldan bastap biudjet jäne käsıpkerler qoldauymen balabaqşa qūrylysyn jürgızudı bastaimyz, – dep jauap berdı qala basşysy.
Kelesı sūraqtyŋ da män-maŋyzy auqymdy boldy-au, qala äkımı kösıle söiledı. Sūraqty Qazaqstan qūrylysşylary qauymdastyǧynyŋ töraǧasy Viktor Mikriukov qoidy. Ol jaryq, jylu syndy infraqūrylymdy bölude aşyqtyq jetıspeitının aitty.
– Elordada äleumettık nysandarǧa qaraǧanda tūrǧyn üi qūrylysy qarqyndy jürgızılude. Jyl basynda jūmys toby qala aumaǧynda rūqsat qūjattary joq 76 nysan anyqtalyp, jūmysy toqtatyldy. Bız salymşylardyŋ müddesı üşın 20 qūrylys jürgızuıne qajettı rūqsat qūjatyn berdık. Bıraq būlai jalǧasa beruge bolmaidy. Endı qūrylys kompaniialary ırı-ırı tūrǧyn üi keşenın sala ma, onda qasyna mektep nemese emhanany qosa saludy mındetteimız, – dedı Jeŋıs Qasymbek.
Jalpy kezdesude qolyna mikrofon alyp, sūraq qoiuǧa niettı käsıpker köp boldy. «Medhouse Kazakhstan» JŞS direktory Samat İsabaev, «Good Project» kompaniiasynyŋ basşysy Gurgen Basensian, «Sentr razvitiia gorodskogo turizma» Tatiana Verniskoi jäne taǧy basqa 30-ǧa juyq adam sūraq qoiyp, tiıstı jauabyn aldy.
