Astanadaǧy Ūlttyq akademiialyq kıtaphanada İslam tarihy, öner men mädeniet ǧylymi-zertteu ortalyǧynyŋ ūiymdastyruymen kalligrafiia körmesı aşyldy.
Körmege 1986-2016 jyldary halyqaralyq baiqaularda körsetılgen ılgerıde aitqan ortalyqtyŋ 30-dan asa kalligrafiialyq jūmystary qoiyldy. Onda Qūran men hadisterden kūralǧan sözder baiandalady. Aituly şaranyŋ aşyluynda ortalyqtyŋ bas direktory Eren Halit kalligrafiia önerıne qysqaşa toqtalyp öttı.
– 1986 jyldan bastap kalligrafiia baiqauyna 1000-nan astam älemnıŋ är tükpırınen azamattar qatysty. Bügın sızderge sol saiysta jeŋıske jetken jazulardy ūsyndyq. «Mekkeden tüsken Qūran Ystambulda jazyldy» degen köneden kele jatqan tämsıl bar. Maqsatymyz – Qazaqstannan barǧan jazular mūrasyn jaŋǧyrtu. Bolaşaqta osy elden de kalligraftar şyǧady dep oilaimyz, – dep ūlttyq kıtaphana direktoryna orta ǧasyr turaly jazylǧan ülken kıtapty syiǧa tartty.
Odan keiın söz alǧan Halyqaralyq Türk akademiiasynyŋ prezidentı Darhan Qydyrälı: «Hūsni hat önerı – qazaq jerınde erteden keŋınen taraǧan öner. Oǧan kuä – Oŋtüstık Qazaqstan oblysyndaǧy Qoja Ahmet Iаssaui kesenesındegı jazba eskertkışter. Būrynǧy babalar bır qolymen naiza, ekınşı qolymen qalam ūstaǧan» dep qazaq jerındegı kalligrafiia tarihynan syr şerttı.
Qysqasy, körmeden ädemı äser aldyq. Qasiettı kıtaptan alynǧan jazular jüregıŋızge säule qūiady. Nanbasaŋyz, baryp körıŋız!
Azamat Esenjol
