Karantinnen keiın de qataŋ saqtaityn talaptar körsetılgen qaulyǧa säikes, elordada oiyn-sauyq, sporttyq jäne basqa da būqaralyq ıs-şaralar, otbasylyq, eske alu jiyndary, jinalystar men taǧy da basqa otyrystar ötkızuge bolmaidy.
Sport jattyǧulary tek aşyq auada jeke tärtıppen jäne mındettı türde kemınde 2 metr äleumettık qaşyqtyqty saqtai otyryp, 5 adamnan aspaityn toptar arasynda ǧana ötkızıledı. Tabiǧat aiasynda ekskursiialyq, korporativtık, toptyq sapar ūiymdastyruǧa jäne öŋırlerdıŋ körıktı jerlerıne şolu jasauǧa, sondai-aq jaǧajailarda şomyluǧa tyiym salynady. Būlar tek bır otbasy müşelerınen nemese 3 adamnan aspaityn toptarǧa ǧana rūqsat etıledı.
Būrynǧydai 65 jastan asqan adamdardyŋ qalada jäne qoǧamdyq oryndarda jürıp-tūruyna şekteu saqtalyp otyr. Aulalarda seruendeuge jäne saiabaqtarǧa, alaŋdarǧa, skverlerge, jaǧalaularǧa 3 adamnan aspaityn toptarmen nemese bır otbasy müşelerıne mındettı türde betperde kiıp jäne kemınde 2 metr äleumettık qaşyqtyqty saqtai otyryp baruǧa rūqsat berıledı.
Syrtta tamaq ışu tärtıbı qalai?
Käsıbıne karantin tūsau salǧan meiramhana, bar, dämhana jūmysyna rūqsat berıldı. Ǧimarattyŋ ışınde de, jazǧy alaŋda da 30-dan artyq emes adam qabyldau arqyly jüzege asyrylady. Būl rette körşı üstelderdıŋ şetkı oryndary arasynda kemınde 2 metr äleumettık qaşyqtyq saqtalyp, bır üstelge otyratyn adam sany 4-6-dan aspauy qajet. Qoǧamdyq tamaqtanu oryndaryna jūmys künderı taŋerteŋ saǧat 9:00-den keşkı 23:00-ge deiın ǧana jūmys ısteuge rūqsat etıledı. Al jeke ielık aumaqtary men tūrǧyn üi ǧimarattarynda ornalasqan nysandar üşın jūmys kestesı saǧat 9:00-den 22:00-ge deiın bolady. Demalys künderı mūndai obektılerdıŋ jūmysy tek aşyq auada, oryn sany 30-dan aspaityndai etıp ūiymdastyrylady.
Är adamǧa 4-5 şarşy metrden kelse ǧana
17 tamyzdan bastap jūmysyn qaita bastaityn käsıpkerlık subektılerınıŋ qyzmet türlerınıŋ tızbesınde SOSO, sauda üilerı, sauda jelılerı, jabyq bazarlar bar. Būlardyŋ tolymdylyǧy 30 paiyzdan aspauy tiıs, ǧimarat ışınıŋ aumaǧy 1 keluşıge 4 şarşy metrden keluı kerek. Sonymen qatar sūlulyq salondary, şaştaraz, SPA ortalyqtary, kosmetologiialyq qyzmet körsetetın nysandar da jūmysyn bastaidy. Basseinı joq fitnes ortalyqtardyŋ tolymdylyǧy 50 paiyzdan aspauy tiıs jäne 1 keluşıge 5 ş.m bolady. Basseinı joq monşalar men saunalardyŋ da tolymdylyǧy 50 paiyzdan aspaidy. Balalarǧa arnalǧan tüzetu kabinetterı, balalar jäne eresekterge bılım beru ortalyqtaryndaǧy toptarda balalar aldyn ala jazylu arqyly 5 adamnan aspauy kerek. Mektepke deiıngı balalar mekemelerınıŋ kezekşı toptaryndaǧy adam sany 15-ten köp bolmauy qajet. Jūmys beruşıler qyzmetkerlerınıŋ kemınde 80 paiyzy üşın qaşyqtan jūmys ısteu formatyn saqtauy ūsynyldy.
