Kärımov köşesı bolady
Astanada Özbekstan Respublikasynyŋ tūŋǧyş prezidentı İslam Kärımovtıŋ qūrmetıne köşe aty berıledı.
Osy jönındegı Tılderdı damytu basqarmasynyŋ basşysy Tıleuǧali Qyşqaşbaev ūsynǧan şeşımdı Astana qalasy Qoǧamdyq keŋesınıŋ müşelerı bırauyzdan qoldady.
Būdan basqa, Sansyzbai Esılovtıŋ töraǧalymen ötken Keŋes otyrysynda bırneşe normativtık qūqyqtyq aktılerdıŋ jobalary talqylandy. Keŋes müşelerı Astana
qalasynyŋ köşelerın kütıp ūstau, aǧymdaǧy ortaşa jäne kürdelı jöndeu kezınde oryndalatyn jūmys türlerınıŋ jıktelımın bekıtu turaly erejemen tanysty. Ol turaly baiandama jasaǧan Avtomobil joldary basqarmasynyŋ basşysy Ashat Qaraǧoişin talqyǧa salynyp otyrǧan jıktelımnıŋ jol-jöndeu jūmystaryn josparlauǧa, joldardyŋ ışınara qūrylysyna, jol-jöndeu jūmystary kölemderınıŋ negızdemesıne jäne olardyŋ oryndaluyna jergılıktı jäne respublikalyq biudjetten bölınetın qarjylandyru mölşerıne qatysty mäselelerdı şeşuge negız bolatynyn aitty. Keŋes müşelerı qūjattyŋ maŋyzdylyǧyn eskere otyryp, täuelsız saraptaudan ötkızuge keŋes berıp, qūjatty kerı qaitardy.
Elordanyŋ densaulyq saqtau salasyndaǧy memlekettık kommunaldyq qazynalyq käsıporyndaryndaǧy qyzmetterdıŋ 2017 jylǧa arnalǧan baǧalaryn belgıleu jönınde Densaulyq saqtau basqarmasynyŋ basşysy mındetın atqaruşy İlias Bakirov baiandama jasady. Ol jūqpaly aurulardy emdeitın mekemelerdegı aqyly qyzmettıŋ baǧasyn 4-10 paiyz aralyǧynda köterudı negızdegennen keiın, Keŋes otyrysynda būl qajettılıktı qoldau kerek degen toqtamǧa keldı.
Aigül UAISOVA