Käsıpke qolaily şahar

Bügıngı taŋda Astana şaǧyn jäne orta biznestı damytuǧa qolaily qalaǧa ainalyp otyr. Üstımızdegı jyldyŋ 1 qyrküiektegı jaǧdaiy boiynşa elordada jūmys ıstep tūrǧan zaŋdy tūlǧalardyŋ sany 42534 bırlıktı qūraidy. Būl ötken jyldyŋ säikes merzımımen salystyrǧanda şaǧyn jäne orta biznes nysandary sanynyŋ 10 paiyzǧa ūlǧaiǧanyn körsetedı.

Bas qaladaǧy zaŋdy tūlǧalardyŋ 98,2 paiyzy – şaǧyn, 1,1 paiyzy – orta jäne 0,7 paiyzy ırı käsıporyndar sanalady. Al olardyŋ audandar boiynşa ara salmaǧy bylai bölıngen: Almaty – 27 paiyz, Saryarqa – 26,2 paiyz, Baiqoŋyr – 23 paiyz, Esıl 23,1 paiyzdy qūraidy.
Zaŋdy tūlǧalardyŋ eŋ köp jūmys ıstep tūrǧan salalary sauda käsıporyndaryna tiesılı bolyp otyr. Olardyŋ ülesınde 28,1 paiyz, qūrylys – 19,0 pa­iyz, özge de qyzmetterdı ūsynuda – 10,6 paiyz, käsıbi, ǧylymi jäne tehnikalyq qyzmet – 7,6 paiyz, önerkäsıp salasynda – 5,3 paiyz, äkımşılık jäne qosalqy qyzmet körsetu 5,2 paiyzǧa östı.
Jūmys ıstep tūrǧan zaŋdy tūlǧalardyŋ negızgı bölıgı 92,4 paiyz – şaruaşylyq serıktes­tık nysandary. Jūmys ıstep tūrǧan zaŋdy tūlǧalardyŋ 3 paiyzy – qoǧamdyq, dıni bırlestıkter men qorlardyŋ, mekemeler – 1,4 paiyz, tūtynu kooperativterı – 1,2 paiyzǧa, zaŋdy tūlǧalar bırlestıkterı – 0,7 pa­iyz, memlekettık käsıporyndar – 0,6 paiyz, aksionerlık qoǧamdar boiynşa – 0,5 paiyz, öndırıstık kooperativter – 0,1 paiyz, özge de ūiymdyq-qūqyqtyq nysandaǧy kommersiialyq emes ūiymdardyŋ 0,1 paiyz ülesıne tiesılı.
Jūmys ıstep tūrǧan zaŋdy tūlǧalar basşylarynyŋ arasynda erlerdıŋ ülesı 69,5 paiyzdy, äielder 30,5 paiyz qūraidy. Jyl basynda olardyŋ üles salmaǧy bylai bolǧan: erler – 70,3 paiyz, äielder – 29,7 paiyz.
Negızınen, äiel adamdar bılım salasynda köbırek basşylyq qyzmette – 60,4 paiyz; densau­lyq saqtau jäne äleumettık qyz­metter – 50,9 paiyz; ornalas­tyru boiynşa jäne tamaqtanu qyzmetı – 43,5 paiyz; qarjy jäne saqtandyru qyzmetı – 40,9 paiyz; jyljymaityn mülıkpen jürgızetın operasiialar – 37 pa­iyz; käsıbi, ǧylymi jäne tehnikalyq qyzmet – 36,8 paiyz.
2018 jyldyŋ tamyz aiynda statistikalyq biznes-tırke­lım bastapqy tırkeuden ötken 654 zaŋdy tūlǧa subektısımen tolyqty. Al osy aralyqta jabylǧan biznes subektılerdıŋ sany 98 boldy.