Memleket basşysy Nūrsūltan Nazarbaev «Qazaqstan Respublikasynyŋ keibır zaŋnamalyq aktılerıne käsıpkerlık qyzmettı retteudı jetıldıru mäselelerı boiynşa özgerıster men tolyqtyrular engızu turaly» zaŋǧa jariia türde qol qoidy.
Aqordadaǧy saltanatty räsımde söilegen sözınde Elbasy täuelsızdık jyldarynda elımızde naryqtyq ekonomikanyŋ berık institusionaldyq negızderı qalyptasqanyna toqtaldy. «Jeke bastama men erkın käsıpkerlık elımızdıŋ ekonomikalyq damuynyŋ jäne äl-auqatymyzdyŋ artuynyŋ basty faktoryna ainaldy. Bızdıŋ reformalarymyzdyŋ tabystylyǧy men tiımdılıgınıŋ jarqyn mysaly retınde Astanany aituǧa bolady. Onyŋ 20 jyldyq mereitoiyn bükıl Qazaqstan atap ötude» dedı Nūrsūltan Nazarbaev.
Prezident atalǧan zaŋnyŋ maŋyzdylyǧyn erekşe atap ötıp, engızılgen özgerısterdıŋ negızgı maqsaty – biznestı retteu salasyndaǧy zaŋnamany jetıldıre tüsu ekendıgın mälımdedı. Elbasynyŋ aituynşa, osy zaŋda memlekettık baqylau funksiialaryn şamamen 30 paiyzǧa qysqartu közdelıp otyr. Qūqyq būzuşylyqtyŋ aldyn alatyn profilaktikalyq baqylau institutyna basa män berılgen. Tabiǧi monopoliialar men kvazimemlekettık sektor tarapynan körsetıletın qyzmetter retteledı. Sonymen qatar, Prezident biznes şyǧyndaryn jappai tömendetu üşın zaŋda qarastyrylǧan şaralar jönınde jäne bäsekege kedergı keltıretın normalardyŋ alynyp tastalǧanyn aitty.
«Osy zaŋ arqyly 14 kodeks pen 109 zaŋǧa şamamen 1 myŋǧa juyq özgerıs engızılıp otyr. Osy özgerısterdıŋ bärınıŋ dıttegen maqsaty biznestı damytu üşın meilınşe qolaily jaǧdai qalyptastyru jönındegı memlekettıŋ basty strategiialyq baǧytyna tolyq sai keledı. Qazırgı uaqytta ıskerlık belsendılıktı küşeitu jäne jūrtşylyqty käsıpkerlıkpen ainalysuǧa tartu üşın barlyq mümkındıktı paidalanu asa maŋyzdy» dedı
Nūrsūltan Nazarbaev. Memleket basşysy söz soŋynda qazır jüzege asyrylyp jatqan «Bes äleumettık bastama» şaǧyn jäne orta biznes üşın zor mümkındıkter tuǧyzyp otyrǧanyn atap ötıp, osy zaŋnyŋ qabyldanuy halqymyzdyŋ igılıgı jolynda eldegı käsıpkerlık qyzmettı jandandyruǧa tyŋ serpın beretınıne senım bıldırdı.
Otandyq önımge basymdyq berıledı
Osy zaŋnyŋ qabyldanuy nätijesınde memlekettık baqylau jäne qadaǧalau jüiesı tolyǧymen özgeredı. Bizneske memlekettık organdar tarapynan bolatyn baqylau-qadaǧalau jüktemesı aitarlyqtai kemidı. Mäselen, 114 salanyŋ 20-sy baqylau-qadaǧalaudan alynyp tastaldy, baqylauşylyq funksiialar şamamen 30%-ǧa qysqartyldy. Erekşe tärtıppen jürgızıletın tekserısterdıŋ merzımı 30 künnen 15 jūmys künıne, jospardan tys tekserısterdıŋ merzımı 30-dan 10 jūmys künıne deiın qysqardy. Sondai-aq, aqparattandyru baǧytyndaǧy jūmystar rettelıp, bır jüiege keltırıldı. Jalpy özgerıster jönınde bız zaŋdy daiyndauǧa küş-jıgerın aiamai jūmsaǧan QR Parlamentı Mäjılısınıŋ Ekonomikalyq reforma jäne öŋırlık damu komitetınıŋ töraǧasy Nūrtai Sabilianovqa tüsındırıp beruın ötıngen edık.
– Būl zaŋǧa qatysty aitarym, memlekettık köptegen baqylau funksiialary alynyp tastalady. Käsıpkerlık subektılerdı tekseruge bailanysty da özgerıster engızıldı. Mysaly, käsıpker salyqty dūrys tölemese, aldyn ala tiıstı eskertu jasalady. Būryn bırden tekserıs jürgızılıp, jauapkerşılıkke tartylatyn. Iаǧni, bırınşıden, ol ärı kemşılıgın tüzeuge tyrysady. Ekınşıden, aiyppūl salynbaidy. Üşınşısı, käsıpkerlık qyzmetın jüzege asyruǧa kedergı bolmaidy. Öz kezegınde būl biznes pen memleket arasyndaǧy jaqsy qarym-qatynasty qalyptastyrady. Osy baǧytta profilaktikalyq baqylau degen ūǧym engızıldı. Ärine, būl kez kelgen käsıpkerge qolaily. Öitkenı olar barlyq zaŋdardy oqyp, jaŋadan şyqqan qaulylardy bıle bermeidı. Keide ol zaŋdar özgerıp jatady. Menıŋşe, būl barşa käsıpkerlerge ülken qoldau bolary sözsız. Sonymen qatar, Käsıpkerlık kodekske özgerıster men tolyqtyrular engızıldı. Būdan bylai zaŋdarǧa özgerıs engızer kezde «ol käsıpkerlerdı qandai jaǧdaiǧa aparady» degen mäsele «Atameken» ūlttyq käsıpkerler palatasynda aldyn ala taldanady. Sodan soŋ zaŋ şyǧaruşy organǧa ūsynylady. Demek, zaŋnyŋ, normativtık-qūqyqtyq aktılerdıŋ tūraqtylyǧy da osynda qarastyrylǧan. Jalpy alǧanda, zaŋdy jetıldıru arqyly elımızdegı azamattardyŋ käsıpkerlıkpen ainalysuyna jol aşamyz. Öitkenı käsıp aşu üşın tırkelu, rūqsat alu degen qyzmet türlerı jeŋıldetılgen tärtıppen jürgızıletın bolady. Esep beruge qatysty da özgerıster Salyq kodeksınde qarastyrylǧan. Mysaly, barlyq käsıpkerler tiısınşe jyldyq qarjylyq deklarasiiasyn tapsyryp, salyq töleidı. Basqa jaǧdailarda eşkım olardan artyq qūjattardy talap etuge haqysy joq. Qūjat tapsyruǧa kelgende ekı türlı mümkındık bar. Köptegen auyldyq eldımekenderde ǧalamtor joq. Sondyqtan olar qarjylyq deklarasiiany qaǧaz türınde tapsyrady. Al ǧalamtor jüiesı bar qala, audan siiaqty jerlerdegı käsıpkerler deklarasiiasyn elektrondyq täsılmen tapsyra alady. Iаǧni, adamnyŋ uaqyt ünemdeuıne tamaşa mümkındık berılıp otyr. Käsıpker öz üiınde otyryp-aq barlyq qūjattaryn qūzyrly organdarǧa jıbere alady.
