Memlekettiŋ biznes sektordyŋ äleuetin damytuǧa baǧyttalǧan bastamasynyŋ biri – «Isker bailanys» jobasy. Būl – «Biznestiŋ jol kartasy-2020» baǧdarlamasy şeŋberinde jüzege asyrylyp jatqan auqymdy jobanyŋ biri. Aty aityp tūrǧandai, ol – el käsipkerleriniŋ äleuetin köterip, olardyŋ bir-birimen isker bailanys ornatyp, şeteldik kompaniialarmen qarym-qatynas ornatuyna mümkindik berudi közdeidi.
Mine, büginde osy jobaǧa qatysamyn degen käsipkerlerdiŋ ötinişi qabyldanyp jatyr.
«Jol kartasynyŋ» aiasynda memleket käsipkerlerge qarjylyq qoldaudan bölek, qarjylyq emes qoldau da körsetetini turaly būǧan deiin de jazǧanbyz. «Isker bailanys» atty jobasyndaǧy jūmys eki baǧyt boiyn-şa jürgizilude. Äuelgisi – Qazaqstannyŋ işinde jüzege asyrylady. Atap aitsaq, biznes-treningter ötkizilip, zamanaui ädispen biznes aşudyŋ qyr-syryn üiretu, biznes jospar qūru, şetelden isker seriktester izdeu jäne äriptestermen bailanysty nyǧaitu üiretiledi.
Sondai-aq, birinşi satysynda käsipkerler otandyq joǧarǧy oqu oryndarynda biliktilikterin arttyrady. 2011 jyly qalanyŋ 70-ke juyq käsipkerleri tegin oquǧa ötiniş bildirgen. Elordalyq käsipkerler basqa da aimaqtardan kelgen ŞOK ökilderi siiaqty «Nazarbaev Universitetinde» top menedjment kursyn ötedi. Ötken jyly 6 astanalyq käsipkerdiŋ atalmyş oqu orynynda Amerikanyŋ Diuk universitetiniŋ ūstazdarynan däris alǧany bar. Olar özderi qūrǧan biznes josparyn şeteldik sarap-şylardyŋ aldynda qorǧap, sertifikat aldy.
Iskerlik qarym-qatynastyŋ ekinşi baǧyty – käsipkerlerdi otandyq oqu oryndarynda Amerika men Germaniiadan kelgen mamandardyŋ oqytuy. Aldymen özimizdiŋ oqu orynynda oqyp şyqqan olar, şetelge belgilengen merzimge issaparǧa baryp, ondaǧy iri käsiporyndarda täjiribe almasyp, synaq merziminen ötip qaitatyn bolady. Jalpy, mūndai täjiribe älem boiynşa bizden basqa elde bar dep aitu qiyn. Sondyqtan, «Jol kartasynyŋ» tyŋ baǧyty dep aituǧa negiz bar. Öitkeni, otandyq käsipkerlerdiŋ özimizdegi, odan qalsa şeteldegi oquy baǧdarlama şeŋberinde memleket qazynasynan tölenedi.
Ainūr ŞOŞAEVA
