Kavasaki qauıptı me?

Elımızde, koronaviruspen emdelıp jatqan 114 balanyŋ üşeuınen kavasaki sindromy anyq­talǧan. Olar Almaty, Nūr-Sūltan, Petropavl qalalarynda emdelıp jatyr. Mamandardyŋ mälımetınşe, kavasaki degenımız infeksiialyq aurulardyŋ saldarynan jürek qan tamyrlarynyŋ qabynuy. Iаǧni, negızgı qozdyrǧyşy virustyq jäne bakteriialyq aurular.

Kavasaki sindrom belgı­lerı infeksiialyq aurumen nauqastanǧanda nemese arada 3-4 ai ötkende baiqalady. Mamandar aurudyŋ būl türıne koronavirustıŋ yqpaly bar ekenın joqqa şyǧarmaidy. Äsırese, balalar arasynda jiı kezdesuı mümkın. Būl turaly Nūr-Sūltan qalasynyŋ №3 köpbeiındı qalalyq balalar auruhanasynyŋ infeksionist-därıgerı Janar Bökenova bylai deidı.
– Eŋ bırınşı, temperatura­nyŋ öte joǧary bolyp, balanyŋ denesınde börtpeler paida bolady. Betınde ala­qandarynda, tabandarynda. Aiaqtary ısınıp, közı qyzaruy mümkın. Būlar – kavasakidıŋ belgılerı. Dereu därıgerge qaralu kerek.
Balalar arasynda keŋınen etek alyp kele jatqan auru turaly älem dabyl qaǧuda. Mysaly koronavirustyŋ oşaǧyn endı auyzdyqtaǧan İtaliia elı kavasaki sindromymen tüsken balalardyŋ biyl üş ese köbeigenın mälımdegen. Ǧalymdardyŋ keibırı koronavirus infeksiiasy eresekterde tromboemboliia tudyruy mümkın, al balalarda kavasaki sin­dromyn örşıtedı degen boljam jasaǧan. Sebebı Europa jäne AQŞ-ta atalmyş sindrommen auyrǧan balalarda kovid-19 test nätijesı oŋ bolyp şyqqan. Kavasaki sindromyn köp jaǧdaida därıgerler dūrys anyqtai almaidy. Mäselen, Marlidıŋ demaluy öte naşarlap, dene qyzuy 39 gradus­ty körsetkende därıgerler mūny jäi suyq tiiu dep bırneşe kün kütulerın sūraǧan. Bıraq, Marlidıŋ jaǧdaiy öte naşarlap, tamaǧynda jūdyryqtai ısık paida bolady. Tılı de qabynyp, jüregı ainyp, denesın börtpe basady. Osydan ke­iın ǧana därıgerler diagnozyn qoiyp, emdeu şaralaryna bırden kırısedı. Jäne 6 apta boiy balany üzdıksız emdeumen bolǧan. Būl ındettıŋ simptomdary tym köp. Aiaqtyŋ ısınuı, közdıŋ qyzaruy, diareia, qūsu, dene qyzuy köterılıp, älsızdık pen aiaq-qolda allergiia siiaqty börtpenıŋ paida boluy – bas­ty belgılerı. Jürek soǧysy da jiılei tüsedı. Mūndai jaǧdaida bala­lardyŋ orta jäne kışı arteriialary za­qymdalady. Buyndar qabynyp, eger uaqytyly emdelmese infarktqa de­iın ūlasuy mümkın deidı mamandar. Sondai-aq köbınese 5 jasqa deiıngı balalardyŋ şaldyǧatyny da belgılı boldy. Resmi derek boiynşa, elımızde būl dert jyl basynan berı 3 baladan anyqtalǧan. Olar: Nūr-Sūltan, Almaty jäne Petropavl qalalarynyŋ tūr­ǧyn­dary. Sonymen qatar Aqtöbede oblystyq bala­lar auruhanasynda jatqan 5 jäne 15 jastaǧy ekı baladan da kavasaki auruyna ūqsas belgıler anyqtalypty. Densau­lyq saqtau ministır­lıgınıŋ resmi ökılı Baǧdat Qojahmetov būl öte sirek kezdesetın auru ekenın aitty. Äzırşe auyrǧan balalar turaly tolyq aqparat joq. Alaida Al Nūr-Sūltanda auyryp jat­qan balanyŋ jaǧdaiyn därı­gerler ortaşa dep baǧalaǧan.