Qalada Nur Otan partiiasynyŋ 2025 jylǧa deiıngı «Özgerıster joly: är azamatqa laiyqty ömır!» sailaualdy baǧdarlamasy aiasynda 259 äleumettık infraqūrylymdyq nysannyŋ 157-sı mügedektıgı bar azamattar yŋǧaiyna beiımdeldı. Taǧy 102 nysan ielerı monitoringtık toptar bergen eskertuler boiynşa jūmystar jürgızude.
Nur Otan partiiasynyŋ 2025 jylǧa deiıngı «Özgerıster joly: är azamatqa laiyqty ömır!» sailaualdy baǧdarlamasynyŋ 84-tarmaǧynda mügedekterge qamqorlyq jasauǧa basymdyq berılgen. Äleumettık infraqūrylymdyq nysandardy erekşe qajettılıkterı bar adamdar üşın pandustarmen, beiımdelgen liftılermen, därethanalarmen jabdyqtap, közı körmeitınderge arnalǧan baǧyttauşy belgıler ornatu közdelgen.
Nūr-Sūltanda «Kedergısız keleşek» partiialyq jobasyn ıske asyru şeŋberınde 22 myŋ äleumettık infraqūrylym nysanyn erekşe qajettılıgı bar azamattardyŋ yŋǧaiyna beiımdeu josparlanǧan. Biyl Almaty, Saryarqa, Baiqoŋyr, Esıl audany äkımderınıŋ apparattarymen 259 nysandy (densaulyq saqtau, bılım beru nysandaryn beiımdeu boiynşa jūmystar jürgızu josparlanǧan, mädeniet, sport, şaǧyn jäne orta biznes, memlekettık mekemeler, halyqqa qyzmet körsetu ortalyqtary, Qazpoşta filialdary, äuejai, vokzal) qūjattandyru boiynşa arnaiy top qūryldy.
Bügıngı taŋda 259 nysan qūjattandyryldy. Nysandardyŋ menşık ielerıne QNjE talaptaryna säikes eskertulerdı joiu jönınde ūsynys hattar jıberıldı.
«Mügedek adamdardy äleumettık qorǧau» aqparattyq portalyna qūjattandyrylǧan jäne mügedekterdıŋ jürıp-tūruyna beiımdelgen nysandardyŋ derekterı engızıledı. Erekşe qajettılıkterı bar adamdar men tūrmysy tömen azamattardyŋ ömır süru sapasyn arttyruǧa baǧyttalǧan jūmystar jalǧasady.
