Elordada jolda jüru qozǧalysyn ūiymdastyru erejesıne kezeŋ-kezeŋmen özgertu engızıletın boldy. Endı köşe qiylystarynda solǧa būryluǧa tyiym salynyp, oǧan balama retınde kerı ainalu üşın qauıpsız keŋıstıkter jasalady.
Polisiia departamentınıŋ mälımetıne süiensek, qozǧalys qauıpsızdıgın arttyru üşın būǧan deiın eşqandai qūrylǧymen rettelmei kelgen 5 uchaskenıŋ jaiau jürgınşıler ötpelerıne baǧdarşam ornatylǧan. Taǧy 14 osyndai ötpelerge baǧdarşam qoiu josparlanǧan.
Tüngı uaqyttarda jaiau jolauşylardyŋ köru mümkındıgın jaqsartu üşın küre joldarǧa jaqyn maŋailar qosymşa jaryqtandyrylatyn boldy. Qazırgı kezde bes ötpe tūsyna qosymşa jaryq qosyldy. Aldaǧy künderı basqa ötpelerdı de jaryqtandyru josparlanǧan.
Kölık aǧysy kezınde jol qiylystarynda qaqtyǧystardyŋ yqtimaldyǧyn meilınşe azaitu maqsatynda sol baǧytqa būryluǧa tyiym salyndy. Sondai-aq oǧan balama retınde kerı ainaludyŋ qauıpsız oryndary jasaqtaldy. Baǧdarşamdardyŋ jūmys rejimıne engızılgen özgertuler qoǧamdyq kölıkterdıŋ qozǧalysy marşruttaryn eskere otyryp jüzege asyryldy. Būl balama tiıstı jol belgılerı men baǧdarşamnyŋ kerı ainalu baǧyttamasynyŋ simvoly körsetılgen qosymşa seksiia ornatu arqyly jasalǧan. Jol qozǧalysyn ūiymdastyrudyŋ osy shemasyn aldaǧy künderı 7 uchaskege engızu josparlanǧan.
Sondai-aq, 6 uchaskede jol qiylystary tūsynda avtomaşinalardyŋ qozǧalysyn üilestıru belgılerınıŋ üzık-üzık syzyqtary syzylǧan. Mūndai belgılerdı alty jäne odan köp qozǧalys jolaǧy bar barlyq magistraldyq joldardyŋ qiylysynda qoldanu josparlanǧan.
Negızgı quat közınen berıletın elektr energiiasy öşıp qalǧan jaǧdaida, baǧdarşamdardyŋ üzdıksız jūmysyn qamtamasyz etu üşın Qorǧaljyn tasjolynyŋ Beisekova köşesımen qiylysatyn tūsynda akkumuliator batareiasy ornatyldy. Mūndai batareialar qalanyŋ barlyq köşelerıne kezeŋ-kezeŋmen ornalastyrylatyn bolady.
Sonymen qatar, saiabaq audanynda jäne Mäŋgılık El – Qabanbai batyr – Sauran jäne Husein Ben
Talal köşelerınıŋ toǧysynda jaŋadan salynyp jatqan meşıt aumaǧynda jaŋa avtojol töseledı. Qozǧalys qauıpsızdıgın qamtamasyz etu jäne kölık qūraldaryn qoiatyn oryndy anyqtau üşın jol qūrylysy jūmystaryn jobalauǧa Polisiia departamentınıŋ ökılderı de qatysyp, öz ūsynystaryn engızdı.
Jürgızuşılerdı qala köşelerınde bolyp jatqan özgerıstermen aldyn ala aqparattandyru üşın jetı jol qiylysy men jolairyqtardyŋ üstınde kölık qozǧalys baǧytyn körsetetın jol belgılerı ılındı. Qazırgı künı mūndai belgılerdı jol qiylystarynda ornatu jūmystary qarqyndy jürgızılıp jatyr.
