Astanadaǧy Ūlttyq akademiialyq kıtaphanada asa körnektı jazuşy, memleket jäne qoǧam qairatkerı, Qazaqstannyŋ Eŋbek Erı Äbış Kekılbaiūly atyndaǧy jaŋa oqu zaly aşyldy. Saltanatty jiynǧa QR Parlament Senatynyŋ töraǧasy Qasym-Jomart Toqaev bastaǧan lauazymdy tūlǧalar, ziialy qauym jäne suretkerdıŋ kındık qany tamǧan Maŋǧystau oblysynan kelgen delegasiia ökılderı qatysty.
Aituly şarada alǧaşqy söz kezegın alǧan Qasym-Jomart Toqaev ūlt ruhaniiatyna ölşeusız üles qosqan tūlǧanyŋ esımı şyn mänınde eŋ joǧarǧy qūrmetke laiyq ekendıgın aitty.
– Bız bügın erekşe ıs-şaraǧa jinalyp otyrmyz. Halqymyzdyŋ maŋdaiyna bıtken zaŋǧar jazuşysy, memleket jäne qoǧam qairatkerı Äbış Kekılbaiūly atyndaǧy jaŋa oqu zaly aşylyp otyr. Būl – Äbış aǧamyzdyŋ aldaǧy 80 jyldyq mereitoiy qarsaŋynda onyŋ esımın ūlyqtau jolyndaǧy alǧaşqy qadamdardyŋ bırı. Sondyqtan osyndai igı bastamanyŋ ǧūmyry ūzaq bolary dausyz. Bırtuar tūlǧanyŋ qaitalanbas qoltaŋbasy qazaq ädebietınıŋ ǧana emes, älem ädebietınıŋ qazynasyna ainaldy. Asyl söz zergerınıŋ şyǧarmaşylyǧy boiynşa tereŋ zertteuler jürgızu – keleşek buyn ǧalymdarynyŋ aldyndaǧy maŋyzdy mındet boluy tiıs. Sebebı kemel suretkerdıŋ ädebi älemı şeksız dünie. Äigılı jazuşy tek ädebiettanuşy, tarihşy, oişyl, filosof qana bolǧan joq, sonymen bırge, ol elımızdıŋ damuyna eleulı eŋbek sıŋırgen qairatker boldy. Būl ūly jazuşylardyŋ arasynda öte sirek kezdesetın qūbylys, – dedı Senat Töraǧasy.
Sodan keiın ardaqty azamatpen jaqyn syilasqan belgılı ǧalym Myrzatai Joldasbekov pen Parlament Mäjılısınıŋ deputaty Quanyş Sūltanov öz estelıkterımen bölıstı.
Jazuşy atyndaǧy jaŋa oqu zaly körkemsöz zergerınıŋ közı tırısındegı jūmys kabinetınıŋ nūsqasymen jasalǧan. Oǧan qalamgerdıŋ özı tūtynǧan dünielerı qoiylǧan. Ūlttyq kıtaphanaǧa eren tūlǧanyŋ jetı myŋǧa juyq basylymdary tapsyrylǧan. Dälırek aitqanda, onyŋ ışınde 5 883 dana kıtap, CD jäne DVD diskılerındegı beinefilmder men audiokıtaptar, 134 dana jäne 2 bibliografiialyq broşiuralar bar. Qazırgı uaqytta oqyrmandardyŋ sūranysyna bailanysty suretkerdıŋ «Aŋyzdyŋ aqyry» atty romany fransuz jäne qytai tılderıne audarylyp jatqan körınedı.
Sondai-aq ıs-şara barysynda qabyrǧaly qalamgerdıŋ ömırınıŋ soŋyna deiın on jyl tūrǧan elordadaǧy Dostyq köşesındegı «Nūrsaia-1» tūrǧyn üi keşenınıŋ qabyrǧasyna eskertkış taqta qoiyldy.
Būl jerde akademik Kenjeǧali Saǧadiev jaqyn dosy turaly tebırenıp söiledı. «Äbıştıŋ ekınşı ömırı jan-jaqty bastalyp kele jatyr. Būl tolastamau kerek. Onyŋ eŋbegı bızdı mäŋgılıkpen jalǧastyrady. Bügıngı eskertkış taqta aşylyp otyrǧan üide Klara ekeuı perzentterımen bırge jaqsy ömır ötkızdı. Osy üiden bız de däm tattyq. Ol bır jadymyzdan eşqaşan şyqpaityn keremet künder edı. Äbış osy üide tamaşa tuyndylaryn jazyp, memlekettık qairatkerlık qyzmettı kemeŋgerlıkpen atqardy» dese, Tölen Äbdıkūly: «Äbekeŋ dünieden ozǧaly bıraz uaqyt öttı. Sabyrǧa kelıp, salqyndaityn kez de boldy. Bıraq salqyndau mümkın emes. Älı künge deiın Äbekeŋnıŋ mınezı, jürısı, bolmysy köŋılımızde tırı tūrǧandai körınedı. Eldıŋ atyn ūlylar şyǧarady. Sondyqtan ūlylardy tanyp, ūlyqtai bıluımız qajet. Qoiylǧan eskertkış taqta – Äbekeŋnıŋ atyn şyǧaru üşın emes, onyŋ artynda elı bar degen özımızdıŋ atymyzdy şyǧaru üşın kerek. Äbekeŋ degen ol – mol mūra. Ony bızden keiın de talai ūrpaq äŋgıme qylady. Onda da tausylmauy mümkın. Ol qaşanda öz halqymen ǧana emes, adamzatpen bırge jasai beredı. Öitkenı ädebiettegı klassikalyq şyǧarma barlyq adam balasyna ortaq. Äbıştanu dep atalatyn ūly şerudıŋ basy endı bastaldy. Endı būdan ärı ol jalǧasa bermek» dedı parasatty prozaşy.
Şara soŋynda jazuşynyŋ zaiyby Klara Jūmabaiqyzy jinalǧandarǧa: «Äbış äruaqytta men qazaqpyn degen adamnyŋ tılegın tılegen azamat. Onyŋ esımı eşqaşan ūmytylmaidy dep oilaimyn. Osy jūmystardy ūiymdastyruǧa ūiytqy bolǧan barlyq azamatqa alǧysymdy aitamyn» dep rizaşylyǧyn bıldırdı.
