Kele jatqan kölıktı QR anyqtaidy
Astanalyqtar avtobustardyŋ aialdamaǧa qanşalyqty jaqyndap qalǧanyn QR-kod arqyly köre alady. Ony aialdamalardaǧy QR-kody bar arnaiy japsyrmalar arqyly anyqtap, avtobustardyŋ baǧyty men uaqyty turaly da bıle alady.
«City Transportation Systems» JŞS qoǧamdyq kölıkterde jürudıŋ jolaqysyn elektrondy töleu jäne dispetcherleu jüiesın jaŋǧyrtu aiasynda aialdamalardy sifrlandyru jūmysyn bastady.
«Endı aialdamalarda QR-kody bar arnaiy japsyrmalar ornalastyrylady. Olardy skanerleu arqyly baǧdarlardyŋ naqty kelu uaqytyn köruge bolady. Ol üşın «Avtobys» mobildı qosymşasyn Google Play, App Store nemese App Gallery-dan jüktep alu qajet. Qoldanbanyŋ basty betınde QR belgısın basyp, aialdamadaǧy QR-kodty skanerleu kerek. Sodan keiın qosymşada aialdamadan ötetın marşruttar jäne olardyŋ boljamdy kelu uaqyty körsetıledı» dedı «City Transportation Systems» JŞS ökılı.
Qazır elordadaǧy 225 aialdamada QR-kody bar japsyrmalar bar. Aldaǧy uaqytta qalǧan aialdamalarǧa da ornatylady.