Jaqynda qala basşysy qyzmet körsetuşı ūiymdar men lift şaruaşylyǧynyŋ jūmysyna tekserıs jürgızu turaly tapsyrma bergen bolatyn. Osyǧan orai elordalyq äkımdıkte arnaiy jiyn öttı.
Qalalyq orta sapasy jäne baqylau basqarmasynyŋ mälımetınşe, elordadaǧy 486 qyzmet körsetuşı ūiymnyŋ 313-ınıŋ jūmysyna tekserıs jürgızılgen. Tekserıs barysynda jauyn-şaşynnan keiın keibır ǧimarattardyŋ töbesınen su aǧyp tūrǧany, injenerlık jelıler men jertölelerınıŋ tiıstı deŋgeide bolmauy, jylytu mausymyna daiyndyqtyŋ jürgızılmeuı siiaqty «SK Qyzyljar» JŞS, «Jaǧypar» PİK, «Tūrmys» JŞS syndy bırqatar qyzmet körsetuşı ūiymdardyŋ kemşılıkterı anyqtalypty. Sonyŋ ışınde 48 ūiymǧa tiesılı tūrǧyn üilerdıŋ şatyrdy jöndeu, qasbettı retke keltıru, kıreberıs pen jertölenı jäne injenerlık, tehnikalyq jaǧdaiyn jaqsartu siiaqty jūmystar jüktelgen eken. Būl tūrǧyda Qalalyq orta sapasy jäne baqylau basqarmasy tiıstı jūmystardy atqarmaǧan «Orda Tazalyq 777» JŞS, «Jaily üiler» JŞS, «Almaty Qyzmet» JŞS siiaqty 8 kompaniiaǧa qatysty materialdardy sotqa jıbergen.
Sondai-aq būl mäseleler jönınde atalmyş basqarmamen qatar, iKomek qalalyq monitoring jäne jedel äreket etu ortalyǧyna, iaǧni «109» nömırıne habarlasuǧa bolady. Säuır aiynan berı mūnda da tūrǧyndar qyzmet körsetuşı ūiymdar, lift şaruaşylyǧy jönınde 433 ret şaǧymdanypty. Būl tūrǧyda iKomek ortalyǧy arqyly kelıp tüsken jūmystar da ūdaiy baqylauda körınedı.
