KEŞKI SERUEN
Memleket basşysy elordamyzdyŋ simvolyna ainalǧan, qaita jöndeuden ötken «Bäiterek» monumentınde boldy. Kürdelı jöndeuden soŋ ǧimarattyŋ ışkı keipı özgergen. Atap aitqanda, monumenttıŋ kümbezı men baǧanasyna jyludy saqtauǧa ärı oǧan jūmsalatyn şyǧyndy azaituǧa mümkındık beretın energiia ünemdegış jaŋa şyny paketter ornatylǧan. Monumenttıŋ holyna ülken LED-ekran qoiyldy. Sondai-aq, Qazaqstan Prezidentı «Nūrjol» bulvarynda aşyq aspan astynda ötıp jatqan jyl saiynǧy halyqaralyq ASTANA ART FEST mädeni festivalındegı ekspozisiialarmen tanysty.
Sonymen qatar, Nūrsūltan Nazarbaev Kenesary hanǧa arnalǧan eskertkıştıŋ janynda ornalasqan «Arbat» jaiau jürgınşı jolymen jürıp öttı. Onda Memleket basşysy Qazaqstan qolönerşılerı terıden, kiızden, saz balşyqtan jäne aǧaştan jasaǧan bıregei būiymdardy körıp, köşe muzykanttarynyŋ önerın tamaşalady.
Osy jerde elordadaǧy Saryarqa audanynyŋ äkımı Memleket basşysyn audan infraqūrylymyn odan ärı damytu josparymen tanystyrdy. Qazaqstan Prezidentı elorda tūrǧyndarymen jäne qonaqtarymen äŋgımelestı, sondai-aq, barşa jūrtty kele jatqan Astana künımen qūttyqtap, olarǧa zor densaulyq pen baq-bereke tıledı.
Soŋynda Nūrsūltan Nazarbaev Esıl özenınıŋ jaǧasynda lazerlık şoudy tamaşalady.