Elbasy Nūrsūltan Nazarbaev «Bolaşaqqa baǧdar: ruhani jaŋǧyru» baǧdarlamalyq maqalasynda «Qazaqstannyŋ kielı jerlerınıŋ geografiiasy» jobasyn äzırleuge tapsyrma bergen edı. Sodan bastap elımızdıŋ är öŋırındegı kielı jerler kartasy daiyndaldy. «Qasiettı Qazaqstan» ensiklopediiasyn äzırleu qolǧa alyndy. Taiauda Ūlttyq muzeide būl eŋbektıŋ IV tomy tanystyryldy.
Bır aita keterlıgı, aldynda jaryq körgen ensiklopediianyŋ bırınşı tomyna Nūr-Sūltan men Almaty qalalarynyŋ jäne Aqmola men Almaty oblystarynyŋ, ekınşı tomyna Batys Qazaqstan, Aqtöbe, Atyrau, Maŋǧystau oblystarynyŋ, üşınşı tomyna Jambyl, Qaraǧandy, Qostanai, Qyzylorda oblystarynyŋ kielı jerlerı engızılgen. Al jaŋa törtınşı tomda Pavlodar, Soltüstık Qazaqstan jäne Şyǧys Qazaqstan oblystarynyŋ qasiettı oryndary toptastyrylǧan.
«Ensiklopediiany Qazaqstannyŋ barlyq öŋırı qamtyp, kezek-kezegımen şyǧaryp jatyrmyz. Jinaq ekı tılde – qazaq jäne orys tılderınde daiyndalǧan. V tomy Şymkent qalasy men Türkıstan oblysyna arnalady. Būl eŋbektı kelesı jyly şyǧarudy josparlap otyrmyz» deidı «Qasiettı Qazaqstan» ǧylymi-zertteu ortalyǧynyŋ basşysy Batyrhan Jūmabaev.
