Kım ūtty, kım ūtyldy?
Qazırge deiın qolda bar mälımetterge süiensek, elımızdegı ŪBT-nyŋ 6-künınıŋ nätijelerı mynadai: tülekterdıŋ 96 paiyzy test tapsyryp ülgerdı. Şektık 50 baldy talapkerlerdıŋ 85 paiyzy jinady. Al keşegı künge deiın oquşylardyŋ 15 paiyzy synnan öte alǧan joq.
Būǧan deiın apelliasiialyq komissiiaǧa 566 ötınış kelıp tüsken bolatyn. Özderıŋız bıletındei, elordada ŪBT tapsyru barlyq punktte toqtady. Eske sala keteiık, Astana mektepterınde 6229 oquşy mektep bıtırdı. Onyŋ ışınde 301 bılımpaz «Altyn belgını» däleldedı. Al üzdık attestatty 373 bala qolyna ūstady. Qala boiynşa eŋ köp «Altyn belgı» alǧan mektepter – №48 – 14, №1 – 13, №54 – 11, №66 jäne №75 bılım oşaqtary. Atalǧan bılım ordasynda altyn iegerler sany kemınde 10-ǧa juyqtaidy.
Ūlttyq testıleu ortalyǧy saityndaǧy nätijege süiensek, ŪBT-ǧa qatysuǧa ötınış bergenderdıŋ ışınen 88583 mektep bıtıruşı testıleuge qatysty. Auditoriiada tärtıp saqtau erejesın būzǧany jäne tyiym salynǧan zattardy qoldanǧany üşın 12 mektep bıtıruşınıŋ test nätijelerı joiylǧan. Ūlttyq testıleuge barlyǧy 4932 jalpy orta bılım beru ūiymdary qatysty. Testıleuge qatysuǧa ötınış bergen mektep bıtıruşılerdıŋ sanynan ŪBT-ǧa qatysu ülesı jaǧynan myna aimaqtar joǧary boldy: Jambyl oblysy – 99,33 paiyz, Maŋǧystau oblysy – 98,49 paiyz jäne Oŋtüstık Qazaqstan oblysy – 98,41 paiyz. Tömen körsetkışter Soltüstık Qazaqstanda – 90,73 paiyz, Almaty qalasynda – 88,21 paiyz jäne Qostanai oblysynda 87,62 paiyz mölşerde baiqaldy. Äzırge Qazaqstan boiynşa ŪBT-nyŋ ortaşa ball nätijesı bes pän boiynşa 80,5 baldy (mümkın bolǧan 140 baldan), ekı pän boiynşa (şyǧarmaşylyq emtihan tapsyrǧandar) 30,9 baldy (mümkın bolǧan 40 baldan) aiqyndady. Şektık deŋgeiden 74520 adam (84,12 paiyz testke qatysuşylardyŋ jalpy sanyna şaqqanda) öttı.
Ūlttyq testıleu ortalyǧynyŋ direktory Ramazan Älımqūlovtyŋ aituynşa, alǧaşqy üş künde astanalyq üş oquşy aǧylşyn tılınde synaq tapsyryp, olar körsetken bılımnıŋ ortaşa deŋgeiı 83 paiyzdy körsettı.
Bır aita keterlıgı, biylǧy ŪBT formatynda da, ötkızıluınde, şektık balda da özgerıs joq. Tek test tapsyrmalaryna funksionaldy tester engızıldı. Öitkenı būǧan deiın tek jyldar hronikasy men saqyrlaǧan sifrlar faktısın emes, oquşynyŋ qorytyndy (analiz) jasap üirenuıne baǧyttalǧan tapsyrmalarǧa basymdyq berıldı. Ramazan Syiqymūlynyŋ aituynşa, biyl bazalyq sūraqtar 50 paiyzǧa jaŋarǧan.
ŪBT ötkızu formatyndaǧy soŋǧy özgerısterge säikes, laiyqty körsetkış körsete almaǧan tülekter de biyl oquǧa tüse alady. Mūny ŪBT bastalmai tūryp tılşılermen ötkızgen brifingte Bılım jäne ǧylym ministrlıgı ökılı Ashat Aimaǧambetov aitqan edı. «Biyl talapkerge tamyzda mümkındık berıledı. Odan öte almasa, soŋǧy mümkındıgın qaŋtarda qaitalaidy. Bıraq būl synaqty ümıtker aqyly türde, iaǧni 2242 teŋge kölemındegı qarajatqa tapsyrady. Eger ŪBT-nyŋ üş mümkındıgınen de şektık nätije jinai almasa, onda oquǧa tüse almaidy» degen edı vise-ministr.
Būryndary ŪBT kezınde ūiymdastyruşylar tülekterdı tekseremız dep äsırelei aitqanda «şeşındıruge» deiın barǧany aityldy. Biylǧy on besınşı ūlttyq syn da tülekter üşın tynyş bolǧan siiaqty.
Elımızde ŪBT-nyŋ alty künınde tülekterdıŋ 96 paiyzy testke kırgenın joǧaryda aittyq. Būl jerde synaq Astana boiynşa aiaqtalǧanymen, basqa öŋırlerde älı jalǧasyp jatqanyn eske salǧan jön. Al respublika boiynşa test tapsyruşylardyŋ jalpy sany – 92827 tülek. Onyŋ ışınde 69209 – qazaq tılınde jäne 23618 – orys tılınde.