Memleket basşysynyŋ «Ruhani jaŋǧyru» baǧdarlamasyn jüzege asyru aiasynda Astana qalasynyŋ äkımdıgı men Kinopark Theatres kinoteatrlar jelısı jäne Q Group kompaniiasy üş jaqty kelısımge otyrdy.
Nätijesınde elımız boiynşa tūŋǧyş ret elorda kinoteatrlarynda balalarǧa arnalǧan qaiyrymdylyq körsetılımder ūiymdastyryluda.
Är särsenbı saiyn autizm spektrı būzylǧan jäne sal auruyna şaldyqqan balalar üşın bır ai kölemınde Kinopark 8 IMAX Saryarka kinoteatrynda multfilmder men türlı beinerolikter tegın körsetıledı.
Körsetılım aldynda animatorlar oiyn-sauyq şaralary men türlı baiqaular ötkızıp, Q Group kompaniiasy ūsynǧan popkorn men susyndar balalarǧa tegın taratylady.
Şara barysynda Qoǧamdyq damu ısterı basqarmasynyŋ basşysy Daniiar Esin Astana qalasyndaǧy autizmge şaldyqqan balalarǧa arnalǧan äleumettık jobany qoldaǧany üşın Kinopark Theatres kinoteatrlar jelısı men Q Group kompaniiasynyŋ ökılderın alǧys hatpen marapattady.
Ūiymdastyruşylar özge öŋırlerdegı ärıptesterın de osyndai äleumettık jobalardy jüzege asyruǧa şaqyrdy. Osy rette Şymkent qalasynan täjıribe almasuǧa kelgen oŋaltu ortalyǧynyŋ mamany Äigerım Jūmaǧalieva mūndai jobanyŋ damuynda kemıstıgı bar balalar üşın öte paidaly ekenın aitady.
– Mümkındıgı şekteulı balalar qoǧamnan alşaqtap qalyp jatady. Ata-analary da olardy köpşılıkke körsetpeuge tyrysady. Bız jūmys barysynda mümkındıgı şekteulı balalardy dūrys qimyl-qozǧalys jasauǧa üiretemız. Mysaly, olardyŋ arasynda jūtynyp, jūdyryǧyn jūma almaityndary da bar. Eger olar bır künnıŋ ışınde qolymen bır zatty bırneşe sekundqa ūzaǧyraq ūstauǧa üirense, sonyŋ özı – ülken jetıstık. Jalpy, oŋaltu şaralarynyŋ bırneşe türı bar. Sonyŋ ışınde dene şynyqtyru jattyǧulary, medisinalyq tekserıster jäne psihologiialyq, pedagogikalyq oqytular jiı jürgızıledı. Būl jobany aldaǧy uaqytta Şymkentte de jüzege asyrudy qolǧa alatyn bolamyz, – deidı Äigerım Jūmaǧalieva tılşılerge bergen sūhbatynda.
Mümkındıgı şekteulı balalarǧa yŋǧaily boluy üşın kino zalynyŋ mamandary körsetılım kezınde jaryqty, dybystyq äserlerdı bäseŋdetıp, esıktı aşyp qoidy.
