Körmede – bas qala kelbetı
![](https://astana-akshamy.kz/wp-content/uploads/2023/08/img-20230812-wa0002-780x470.jpg)
Ūlttyq muzeide elordanyŋ 25 jyldyǧyna arnalǧan «Elımnıŋ jüregı – Astana» atty körme aşyldy. Atalmyş körmenı «AST» Astana äleumettık tehnologiialar» ortalyǧy ūiymdastyrdy.
Būl ortalyqtyŋ maqsaty – äleumettık jobalar men baǧdarlamalardy jäne äleumettık ärıptestıktı ıske asyruǧa halyqty tartu. Sol arqyly erekşe qajettılıgı bar balalardy äleumettık oŋaltuǧa jäne qoǧamǧa aralasuǧa järdemdesu. Sonyŋ ışınde balalar qabıletın aşyp, bolaşaqqa degen senımdı jüregıne ūialatu. Osy körme de sol maqsatta ūiymdastyryldy.
Körmenıŋ aşyluynda «AST» Astana äleumettık tehnologiialar» ortalyǧynyŋ jetekşısı Dinara Qūrmanqyzy, art-terapevt Erkınbek Esımov söz söiledı. Ūiymdastyruşylardyŋ aituynşa, osy ortalyq 180 benefisiarǧa qyzmet körsetedı. Olardyŋ köbısınde şyǧarmaşylyq talant baiqalady. Al körmege qoiylǧan suretterde elordanyŋ simvolyna ainalǧan «Bäiterek» monumentı, Äskeri-tarihi muzei siiaqty bas qalanyŋ körnektı ǧimarattary men köz tartar tūrǧyn üi keşenderı, qalanyŋ äsem körınısterı beinelengen.