Astanada aulalardy abattandyru jūmysy qarqyndy jürgızılıp jatyr. Sondai-aq, būǧan deiın üi saluǧa bölıngen elordadaǧy keibır uchaskelerde endı saiabaqtar aşylady. Būl turaly qalalyq kommunikasiialar qyzmetınde ötken baspasöz mäslihaty barysynda elordalyq Urbanistika ortalyǧynyŋ bölım jetekşısı Aslan Qandyǧūlov mälım ettı
Qalalyq Urbanistika ortalyǧynyŋ bölım jetekşısı aldymen qalany abattandyru boiynşa atqarylyp jatqan jūmystarǧa toqtaldy.
– Bügıngı taŋda Aqbūlaq özenınıŋ jaǧalauy Amman köşesı men Täuelsızdık daŋǧylyna deiın abattandyryldy. Al köpırlerdıŋ astynda Aqbūlaq özenı boiyndaǧy saiabaq klasterın jalǧaityn jaiau jürgınşıler ötkelderı aşyldy. Q.Sätbaev köşesındegı jaiau jürgınşıler jolynyŋ bırınşı bölıgı aşyldy. Esıl özenınıŋ jaǧasynda Ş.Beisekova köşesınen «Köktal» eldı mekenıne qarai qoǧamdyq keŋıstıktı abattandyru jūmysy jürıp jatyr. Osylaişa, amfiteatr, sport alaŋdary, seruendeu oryndary, oiyn alaŋqailary jabdyqtalady, – dedı Aslan Qandyǧūlov.
Sonymen bırge ortalyq jaǧalaudyŋ tarihi köşelerı – Jeltoqsan, Beibıtşılık, Būqarbai batyr, Ä.Mämbetov köşelerı körkeiıp keledı. Būl jūmystar jaŋa qoǧamdyq keŋıstıkterdı būryn qūrylǧan keŋıstıktermen bailanystyruǧa mümkındık beredı. Iаǧni Demalys Promenade jaiau jürgınşıler köşesı, «Teatralnyi» bulvary, «Qalalyq alaŋ» tūtas klaster bolmaq. Sondai-aq, Aqan serı – Fahd ben Abdul, Kenesary – B.Beisekbaev, Kenesary – «Egemen Qazaqstan» gazetı, Qordai – N.Ahmetbekov köşelerınıŋ qiylysynda, Abylai han daŋǧylynan Ş.Qūdaiberdıūly daŋǧylyna deiıngı jaǧalauda, K.Äzırbaev köşesı, 10, A.Hrapatyi köşesındegı qoǧamdyq keŋıstıkter abattandyryldy.
Urbanistika ortalyǧyndaǧy bölım jetekşısınıŋ mälımdeuınşe, Bögenbai batyr daŋǧylynda Ş.Aimanov köşesınen Ş.Uälihanov köşesıne deiıngı 10 aulany qamtityn şarşy alaŋ abattandyrylady. Ş.Qūdaiberdıūly daŋǧyly, 5, 31, 36, 36/3; R.Qoşqarbaev daŋǧyly, 26, 39; Küişı Dina köşesı, 46/1, 46/3; Ǧ.Müsırepov köşesı, 9 jäne basqa da mekenjailarda jūmys jürgızılude.
– Qaladaǧy Ş.Uälihanov pen Q.Sätbaev köşelerın keşendı abattandyru jūmysy aiaqtaluǧa jaqyn. K.Kümısbekov – Ş.Qosşyǧūlūly köşelerınıŋ qiylysynda, Bögenbai batyr daŋǧylynyŋ boiynda jaŋa qoǧamdyq keŋıstıkter qūryluda. Qala ortasynda 496 myŋ jäne Astananyŋ jasyl beldeuınde 457 myŋ köşet egıledı. Köktemde Mäŋgılık el, Ūly dala daŋǧyldary, Ş.Beisekova, Şarl de Goll, Q.Sätbaev köşelerı kögaldandyryldy. Bız jergılıktı klimatqa beiımdelgen aǧaş türlerın egemız. Köşetterdı elordalyq jylyjailarda ösırıp, köktemde jäne küzde otyrǧyzady, – dedı Aslan Qandyǧūlov.
Aituynşa, aldaǧy uaqytta Astananyŋ Almaty audanynda barlyǧy – 66, Baiqoŋyr audanynda – 32, Saryarqa audanynda 30 aula men qoǧamdyq keŋıstık abattanady, onda kögaldandyruǧa basymdyq berıledı.
– Jalpy qazır qala boiynşa tūrǧyn üige bölıngen barlyq uchaske qaita qaraluda. Bız qazır olardy kögaldandyru, saiabaq klasterın, äleumettık nysandardy ūlǧaitu üşın qaita qarastyryp jatyrmyz. Sondai-aq, tūjyrymdamamyzda köşelerdı jäne qosymşa aǧaş otyrǧyzuǧa bolatyn barlyq uchaskenı barynşa kögaldandyrudy qarastyramyz, – dedı bölım jetekşısı.
Soŋǧy bes jylda Astanada abattandyru boiynşa myŋnan astam joba ıske asqan, onyŋ ışınde 181 qoǧamdyq keŋıstık pen 873 aula salynǧan. Biyl qalanyŋ bes audanynda 165-ten astam aula abattandyryluda.
– Bız elordalyq säuletşıler retınde būl saiabaqtar tūrǧyndardyŋ qala qarbalasynan bır sät demaluǧa arnalǧan süiıktı ornyna ainalaryna senımdımız. Eskiz jobalaryn äzırleu kezınde tūrǧyndardyŋ syn-tılekterı eskerıledı. Sonymen qatar, urbanister älemdegı eŋ jaqsy täjıribelerdı qoldanady. Mysaly, qalada velojoldar sany artyp keledı, būl bolaşaqta köşelerdegı kölıkter sanyn azaituǧa jäne kömırqyşqyl gazynyŋ şyǧaryndylaryn azaituǧa mümkındık beredı, – dedı Aslan Qandyǧūlov.
