Memlekettık hatşy Gülşara Äbdıqalyqovanyŋ töraǧalyǧymen Memlekettık rämızder men vedomstvolyq jäne olarǧa teŋestırılgen özge de nagradalar geraldikasy mäselelerı jönındegı respublikalyq komissiianyŋ otyrysy öttı.
Jiyndy aşqan Gülşara Äbdıqalyqova barlyq qatysuşylardy Memlekettık rämızder künımen qūttyqtap, būl merekenıŋ biyl el Täuelsızdıgınıŋ simvoly – Astana qalasynyŋ 20 jyldyq mereitoiymen tūspa-tūs kelıp otyrǧanyn atap öttı.
Basqosuda Aqparat jäne kommunikasiialar ministrlıgınıŋ, Astana qalasynyŋ, Qyzylorda jäne Aqtöbe oblystary äkımdıkterınıŋ memlekettık rämızderdı nasihattau jäne qoldanu salasyna qatysty jūmystarynyŋ ahualy jönındegı esepterı tyŋdaldy.
Memlekettık rämızderdıŋ dūrys ornalasuyn qadaǧalau mäselesı boiynşa Astana äkımınıŋ orynbasary Ermek Amanşaev baiandama jasady. Ol jaqynda elordada memlekettık komissiia tarapynan tekseru jūmystary ötıp, 75 mekeme qaralǧanyn, nätijesınde
tudyŋ lastanuy, keibır jerlerınıŋ jyrtyluy, tüsterınıŋ ketuı sekıldı derekter anyqtalyp, onyŋ bärı 1 jūmys künı ışınde tügel qalpyna keltırılgenın atap öttı.
Sonymen qatar jiynda Qazaqstan Respublikasynyŋ memlekettık rämızderdı qoldanu salasyndaǧy normativtık-qūqyqtyq aktılerın jetıldıru mäselelerı qaraldy.
Rämızderdı qūrmetteude Astana özge qalalarǧa ülgı bolu kerektıgın aitqan Gülşara Äbdıqalyqova komissiia jūmysynyŋ qorytyndysy boiynşa memlekettık organdar basşylaryna memlekettık rämızderdı nasihattau jäne qoldanu mäselelerı, sonymen qatar osy saladaǧy zaŋnamalardy saqtau jönınde bırqatar naqty tapsyrma berdı.
