Būrnaǧy künı Astana kölık-logistikalyq ortalyǧy (KLO) ūsynatyn multimodaldyq qyzmet körsetudıŋ tolyq siklı ıske qosyldy. Osyǧan orai ötkızılgen ıs-şaraǧa QR İnvestisiialar jäne damu ministrı Äset İsekeşev, Astana äkımı Ädılbek Jaqsybekov jäne «Qazaqstan temırjoly» ŪK» AQ prezidentı Asqar Mamin qatysty. Qazaqstannyŋ bas qalasynda Orta Aziiadaǧy «A» klasty ırı kölık-logistika ortalyǧynyŋ aşyluy elımız ömırındegı eleulı oqiǧa ekenı anyq. Mūndai ırgelı nysan aldaǧy uaqytta Aqtöbe, Pavlodar, Almaty, Oral, Atyrau, Aqtau, Qostanai, Semei qalalarynda salynatyn bolady.
Aǧymdaǧy jyldyŋ aiaǧyna deiın Şymkenttegı KLO qūrylysy aiaqtalady. Söitıp, oblys ortalyqtarynda jükterdı saqtauǧa, öŋdeuge jäne şoǧyrlandyruǧa arnalǧan habtar qūrylady. Keleşekte būl aimaqtyq qūrylymdar Memleket basşysy N.Ä.Nazarbaevtyŋ «Nūrly jol – bolaşaqqa bastar jol» joldauynyŋ ideiasyna säikes «säule qaǧidaty» boiynşa Astanadaǧy ortalyq habpen bailanysyp jūmys ıstemek.
Kölık-logistika ortalyǧy Qaraǧandy-Astana respublikalyq magistralı boiynda, Qyrqynşy temırjol stansiiasynyŋ tūsyndaǧy ainalma jolǧa jaqyn ornalasqan.
KLO aumaǧyndaǧy salynǧan qūrǧaq qoima 29300, klimattyq qoima 13300, distribusiialyq ortalyq 25000, konteiner alaŋy 70000 şarşy metrdı alyp jatyr. Qoimanyŋ arhitekturasyna, aralyq enıne, saqtau sörelerınıŋ biıktıgıne, temperaturalyq rejimıne qoiylatyn barlyq talaptar saqtalǧan. İnfraqūrylymdy avtomattandyru üderıstı naqty uaqyt rejimınde qamtamasyz etedı. Ozyq tehnologiialardy paidalanu tauarlardy tieu-tüsıru barysynda oryndalatyn operasiialardyŋ jyldamdyǧyn aitarlyqtai arttyrady, mūnda jylyna 1 mln tonnaǧa deiın jük öŋdeledı.
Astanadaǧy KLO tasymaldaudyŋ multimodaldylyq talaptaryna da tolyq jauap beredı: tauarlardy temırjol kölıgınen avtomobilge artu jäne kerısınşe qabyldau ūtymdy ūiymdastyrylǧan. Ūzyndyǧy 5 şaqyrymdyq kıreberıs temır joly tıke qoimaǧa aparady.
KLO paidalanuǧa berıluıne bailanysty 850 jaŋa jūmys orny aşyldy. Astanalyq ortalyqtyŋ ıskerlık ärıptesterı sondai-aq, «Qazaqstannyŋ boi kötergen būl infraqūrylymy halyqaralyq standarttarǧa, onyŋ ışınde multimodaldyq qyzmet körsetudıŋ üzdık ülgılerıne bırtındep jaqyndap keledı, būl logistika şyǧynyn bırşama azaitady» dep atap körsetedı.
Kölık-logistikalyq ortalyǧy arqyly jükterdı distribusiialau boiynşa alǧaşqy operasiianyŋ bastalu räsımıne memlekettık organdardyŋ, kölık jüiesınıŋ, deldaldyq kompaniialardyŋ, qazaqstandyq jäne şeteldık öndırıs oryndarynyŋ ökılderı qatysty.
