Prezidenttıŋ töraǧalyǧymen elımızdıŋ kölık-tranzittık äleuetın damytu jönınde keŋes öttı. Jiynǧa Ükımet basşylyǧy, salalyq ministrlıkter men vedomstvolardyŋ, ūlttyq kompaniialardyŋ basşylary qatysty.
Qasym-Jomart Toqaev kölık-logistika salasynyŋ Qazaqstan ekonomikasynda erekşe röl atqaratynyn atap öttı. Onyŋ aituynşa, öŋırlerdıŋ özara qarym-qatynasyn jandandyru üşın būl salanyŋ maŋyzy zor. Degenmen, geosaiasi jaǧdai men sanksiialyq teketıres dästürlı kölık-logistika jelısın özgerıske ūşyratty.
Jiyn barysynda qarym-qatynastar men jük jetkızetın balama baǧyttardy, sondai-aq tasymaldau ısın ärtaraptandyrudy pysyqtau qajettıgı aityldy.
Prezidenttıŋ pıkırınşe, otandyq önımnıŋ eksportqa qauıpsız ärı üzdıksız şyǧaryluyn qamtamasyz etu üşın keşendı şaralar qabyldau qajet. Memleket basşysy elımızdıŋ Ortalyq Aziia aimaǧyndaǧy köşbasşylyǧyn saqtap, Qazaqstandy senımdı tranzittık hab retınde damytu kerek ekenın aitty. Osy maqsatta balama temırjol baǧyttaryn qalyptastyru qajet. Būl jerde Dostyq – Moiynty, Baqty – Aiagöz, Maqtaaral – Darbaza jobalaryn jüzege asyru, Almaty qalasyn ainalyp ötetın temırjol jelısın salu jönınde söz bolyp otyr.
Qasym-Jomart Toqaev temırjol parkınıŋ jūmysyn jandandyru jäne joldarǧa kürdelı jöndeu jürgızu jönınde şaralar qabyldaudy tapsyrdy.
– Otandyq temırjol salasynda maşina jasau ısın damytuǧa basa män beru qajet. Onyŋ alǧyşarttary bar. Qazaqstandyq öndıruşılerdı belsendı türde qoldau kerek, – dedı Memleket basşysy.
Qasym-Jomart Toqaev «Qazaqstan temır joly» ūlttyq kompaniiasyn tolyqtai jaŋǧyrtu qajet dep esepteidı.
– Qazaqstan temırjolyn ūlttyq kölık-logistika kompaniiasy retınde transformasiialaityn uaqyt keldı dep oilaimyn. Būl QTJ-nyŋ mandaty men mındetterın keŋeituge, kompaniiaǧa elımızdıŋ kölık-tranzit äleuetın damytu jūmystaryn keşendı türde jürgızuge mümkındık beredı, – dedı Prezident.
Prezident teŋız arqyly tasymaldau ısın damytuǧa erekşe nazar audardy.
– Qazaqstan teŋız arqyly tasymaldau äleuetın tolyq paidalanǧan emes. Qazır zaman basqa. Ükımetke porttarymyzdy Kaspii teŋızınıŋ jetekşı habtarynyŋ bırıne ainaldyra otyryp, transformasiialau jönınde strategiialyq mındet jüktedım. Teŋız flotyn nyǧaityp, Aqtau portynda konteinerlık hab qūru qajet degen ūsynyspen tolyq kelısemın, – dedı Memleket basşysy.
Qasym-Jomart Toqaev mūnai tasymaldau ısın ärtaraptandyrudy taǧy bır maŋyzdy mındet retınde atap öttı.
– Transkaspii baǧdary basym baǧyt sanalady. «QazMūnaiGazǧa» ony jüzege asyrudyŋ oŋtaily nūsqasyn, sonyŋ ışınde Teŋız jobasynyŋ investorlaryn tartu mümkındıgın pysyqtaudy tapsyramyn. Ükımet «Samūryq-Qazynamen» bırlesıp, Atyrau – Keŋqiiaq jäne Keŋqiiaq – Qūmköl mūnai qūbyrlarynyŋ quatyn arttyru jönınde şaralar qabyldauy qajet, – dedı Prezident.
Avtojol infraqūrylymyn damytu mäselesı de – maŋyzdy salalardyŋ bırı. Memleket basşysynyŋ aituynşa, eŋ aldymen, qūrylysy bastalǧan magistraldy baǧyttardaǧy (Aqtöbe – Qandyaǧaş – Maqat, Atyrau – Astrahan, Almaty – Qaraǧandy jäne Taldyqorǧan – Öskemen) qaita jaŋartu jūmystaryn uaqytyly ärı sapaly aiaqtau qajet.
Sonymen qatar Prezident biudjet qarajatyn tiımdı paidalanu jäne otandyq kompaniialardy keŋınen tartu qajet ekenıne nazar audardy.
– Jobalardy jüzege asyru barysynda biudjettı barynşa tiımdı paidalanu jäne otandyq önımderdıŋ kölemın arttyru basty qaǧidat boluy kerek, – dedı Memleket basşysy.
Būdan bölek, Ükımetke jyl soŋyna deiın kedendık räsımdeu üderısın jäne şekaralyq baqylaudy tolyq avtomattandyru tapsyryldy.
