Nūr-Sūltan qalasy Bılım basqarmasynyŋ mälımetınşe, 2019 jyly qaladaǧy tehnikalyq jäne käsıptık bılım beretın mekemelerde kündızgı tegın oquǧa 40-tan astam mamandyq boiynşa 4700 orynǧa grant bölınıp, memlekettık bılım beru tapsyrysy ornalastyryldy.
Myna sanattaǧy azamattar kolledjderde tegın oqu konkursyna qatysa alady:
• 9-11-synyptardyŋ tülekterı;
• oquǧa tüspegen adamdar;
• jūmys ızdep jürgen adamdar (Jūmyspen qamtu ortalyǧynyŋ anyqtamasy bolǧan jaǧdaida);
• ömırdıŋ qiyndyǧyna tüsıp qalǧan azamattar men az qamtylǧan otbasylar müşelerı;
• özge sanattaǧy azamattar.
Qajettı qūjattardyŋ tızımı:
Ötınış, bılım turaly qūjattyŋ tüpnūsqasy, №086-u ülgısındegı fliuorotaspasymen bırge medisinalyq anyqtama. I-II top mügedekterı men bala kezınen mügedektıkke şaldyqqandar medisinalyq-äleumettık saraptama qorytyndysyn tapsyru kerek. 3h4 ülgısındegı fotosuretter, oquǧa tüsetın adamnyŋ jeke basyn kuälandyratyn qūjatty ata-anasy nemese zaŋdy ökılderı tapsyruy tiıs.
Qai mamandyqtarǧa eŋ köp grant bölındı?
Eŋ köp oryn «Esepteu tehnikasy men baǧdarlamalyq qamtylym» mamandyǧyna bölındı – 200 oryn.
Odan keiın «Tamaqtandyrudy ūiymdastyru» – 150 oryn;
«Dänekerleu ısı» jäne «Lift şaruaşylyǧy men eskalatorlar» – 100 orynnan;
«Elektrmen qamtamasyz etu, paidalanu, tehnikalyq qyzmet körsetu men jöndeu» – 75;
«Tıgın öndırısı, kiım ülgılerın jasau», «Naubaihana, makaron men konditer öndırısı», «Marketing», «Avtokölıkterge tehnikalyq qyzmet körsetu men jöndeu» – 50 orynnan;
«Gazben qamtamasyz etu qondyrǧylary men jüielerın montajdau, gazdy paidalanu», «Et pen et önımderın öndıru», «Şaştaraz önerı men dekorativtı kosmetika», «Jonu (tokarlık) ıs pen metaldy öŋdeu» – 25 orynnan bölındı.
Barlyq sūraqtar boiynşa Nūr-Sūltan qalasy Bılım basqarmasynyŋ 55-68-68, 55-68-66, 55-74-36 telefon nömırlerıne habarlasuǧa bolady.
2019 jyly memlekettık bılım beru tapsyrysy boiynşa ornalastyrylǧan mamandyqtar tızımı:
• Qonaq üi şaruaşylyqtarynyŋ qyzmetın ūiymdastyru.
• Audarma ısı (türler boiynşa).
• Turizm (salalar boiynşa).
• Dizain (baǧdar boiynşa).
• Tamaqtandyrudy ūiymdastyru.
• Ǧimarattar men qūrylystardy salu (su qūbyry jelılerınıŋ smetasyn jasauşy).
• Işkı sanitarlyq-tehnikalyq qūrylǧylaryn, jeldetu jäne injenerlık jüielerdı (türler boiynşa) montajdau men paidalanu.
• İnterer dizainy, azamattyq ǧimarattardy qalpyna keltıru, qaitadan salu.
• Temır jol qūrylysy, jol men jol şaruaşylyǧy.
• Tıgın öndırısı, kiım ülgılerın jasau.
• Naubaihana, makaron men konditer öndırısı.
• Tamaqtandyru käsıporyndary önımderın öndıru tehnologiiasy men jūmysyn ūiymdastyru.
• Tamaq önerkäsıbı käsıporyndarynyŋ jabdyqtary.
• Medisinalyq tehnikany montajdau, tehnikalyq qyzmet körsetu jäne jöndeu.
• Jol qozǧalysyn ūiymdastyru.
• Şaştaraz önerı men dekorativtı kosmetika.
• Emdeu ısı.
• Medbikelık ıs.
• Bastauyş bılım.
• Mektepaldy bılım men oqytu.
• Dene şynyqtyru men sport.
• Negızgı orta bılım.
• Muzykalyq bılım.
• Marketing.
• Kötergış-kölıktık, qūrylys, jol salu maşinalary men qondyrǧylaryn tehnikalyq paidalanu (salalar boiynşa).
• Kölıkpen tasymaldaudy jäne kölık qozǧalysyn basqarudy ūiymdastyru.
• Avtokölıkterge tehnikalyq qyzmet körsetu men jöndeu.
• Jol qūrylysy maşinalaryn tehnikalyq paidalanu.
• Dänekerleu ısı (türler boiynşa).
• Lift şaruaşylyǧy men eskalatorlar (türler boiynşa).
• Jonu (tokarlık) ıs pen metaldy öŋdeu (türler boiynşa).
• Orman şaruaşylyǧy, bau-baqşa, saiabaq pen landşaftyq qūrylys.
• Esepteu tehnikasy men baǧdarlamalyq qamtylym (türler boiynşa): baǧdarlamaşy, BIM-menedjer-jobalauşy.
• Aqparattyq jüieler (qoldanu salalary boiynşa), kompiuter jüielerın äzırleuşı men sarapşy.
• Elektrmen qamtamasyz etu (salalar boiynşa).
• Energiialyq menedjment.
• Radioelektronika men bailanys (türler boiynşa).
• Avtomattandyrylǧan bailanys jüielerın paidalanu.
• Elektr stansalary men jelılerınıŋ jabdyqtary.
• Elektrmen qamtamasyz etu, temırjoldarǧa tehnikalyq qyzmet körsetu men onyŋ elektrotehnikalyq jüielerın jöndeu, ony paidalanu.
• Jihaz öndırısı (türler boiynşa).
• Gazben qamtamasyz etu qondyrǧylary men jüielerın montajdau, gazdy paidalanu.
• Et pen et önımderın öndıru.
• Logistika (salalar boiynşa).
