Kommunaldyq tarif tömendedı
Biylǧy 1 qaŋtardan bastap elektr, jylu, sumen jabdyqtau jäne tūrmystyq qaldyqty şyǧaru tarifı tömendedı. Alaida aiazdy künderı jylu qazandyqtarynda kündegıden köbırek otyn jūmsalǧandyqtan, kommunaldyq tölem de ötken ailardan kem bolmaǧan körınedı. Tariftıŋ tömendegenıne kümänmen qaraǧan elordalyqtarǧa qazır tüsındıru şaralary jürgızılude.
– Qazırgı uaqytta Astana tūrǧyndaryna qaŋtar aiynyŋ kommunaldyq tölemderı jönındegı tübırtekterı berılude. Būl tübırtekterden kommunaldyq tariftıŋ tömendegenın baiqauǧa bolady. Eger jeltoqsan men qaŋtar aiynyŋ tübırtegın salystyryp qaraityn bolsaŋyz, tariftıŋ qanşalyqty tömendegenın köre alasyz, – dedı Otyn-energetikalyq keşen jäne kommunaldyq şaruaşylyq basqarmasynyŋ otyn-energetikalyq resurstar bölımınıŋ basşysy Maqsat Esmaǧūlov.
Onyŋ aituynşa, elektrmen jabdyqtau boiynşa 1 qaŋtardan bastap jeke tūlǧalarǧa arnalǧan tarif 9,3 paiyzǧa, iaǧni 11,4 teŋgeden 10,33 teŋgege deiın tömendegen. Al zaŋdy tūlǧalar üşın 16,01 teŋgeden 14,54 teŋgege deiın nemese 9,18 paiyzǧa azaiǧan.
Sonymen qatar jylumen qamtamasyz etu boiynşa jeke tūlǧalar üşın 9,98 paiyzǧa, iaǧni 2304,82 teŋge/Gkal-dan 2074,81 teŋge/Gkal-ǧa deiın tömendese, zaŋdy tūlǧalar üşın özgerıssız qalǧan. Sol siiaqty sumen jabdyqtau tarifı jeke tūlǧalar üşın 10 paiyzǧa, iaǧni tekşe metrıne 41,26 teŋgeden 37,13 teŋgege kemıgen.
Sumen jabdyqtau boiynşa qala tūrǧyndaryna osyǧan deiın qoldanystaǧy tarif tekşe metrıne 41,26 teŋge bolsa, biylǧy 1 qaŋtardan bastap ol 37,13 teŋge bolyp belgılendı. Al qatty tūrmystyq qaldyqtar boiynşa abattandyrylǧan sektor üşın 2012 jyldan bergı tarif bır adamǧa 252,2 teŋge somasynda eş özgerıssız saqtalǧan bolatyn. Endı osy jyldan bastap būl baǧa 246,2 teŋgege tömendedı. Al jeke sektor üşın būǧan deiın bır adamǧa eseptegende 276 teŋge bolsa, biyl 5 paiyzǧa tömendep, 262,2 teŋge bolyp bekıtıldı.
Negızınde, 2015 jyly aldaǧy 5 jylǧa, iaǧni 2016-2020 jyldary tarifter är jyl saiyn köterıledı dep josparlanǧan eken. Bıraq Memleket basşysynyŋ qauıpsızdık keŋesınde bergen tapsyrmasy boiynşa kommunaldyq qyzmetterdıŋ tarifterı, kerısınşe, tömendetılıp otyr.