Aqpan aiynda astanalyqtar jylu men jaryq üşın kommunaldyq tübırtektıŋ ädettegıden äjeptäuır qymbat bolyp kelgenıne şaǧymdanyp, bıraz mekemenıŋ esıgın tozdyrdy. Osyǧan orai, Tabiǧi monopoliialardy retteu komitetınıŋ elordalyq departamentı tūrǧyndarǧa kommunaldyq qyzmetterdıŋ tarifterı turaly tüsınıkteme berdı.
Tabiǧi monopoliialardy retteu komitetı elordalyq departamentınıŋ habarlamasynda atap ötılgendei, jaqynda elorda tūrǧyndary qaŋtar aiyndaǧy tübırtekterdı alyp, jylu men elektr energiiasy üşın tölemderdıŋ artqanyn baiqady. Vedomstvo mamandary tariftıŋ nege osynşa artqanyn tüsındıruge tyrysty.
«Elordada jylumen jabdyqtau qyzmetın «Astanaenergosbyt» JŞS körsetedı. Tarif 2024 jylǧy 1 qaŋtardan bastap eŋbekaqy töleuge arnalǧan şyǧystardyŋ ösuın, strategiialyq tauar qūnynyŋ ösuın jäne körsetıletın qyzmetter kölemınıŋ ūlǧaiuyn eskere otyryp tüzetıldı. Jylu energiiasynyŋ tarif deŋgeiı jylu energiiasyn öndıruge, tasymaldauǧa jäne jetkızuge qajettı şyǧyndar deŋgeiıne bailanysty. Sonymen qatar jylumen jabdyqtau tarifınıŋ deŋgeiı, eŋ aldymen, otyn türınıŋ, atap aitsaq, gaz, mazut, kömır qūnyna bailanysty, onyŋ qūrylymynda ol negızgı ülestı alady. Tiısınşe, otyn baǧasynyŋ özgeruı, sondai-aq olardy tasymaldau jylumen jabdyqtauda tariftıŋ özgeruıne alyp keldı» delıngen habarlamada.
Sondai-aq departament derekterıne säikes, «Astanaenergosbyt» tarifınıŋ qūrylymynda şyǧyndardyŋ 97 paiyzyn jylu energiiasyn öndıruge arnalǧan şyǧyndar jäne jylu energiiasyn böluge arnalǧan şyǧyndar alady. Nätijesınde osy faktorlardyŋ barlyǧyn eskere otyryp, Astanada jylu tarifı 20 paiyzǧa östı. Sondai-aq soŋǧy aida kelgen tübırtekke tariftıŋ joǧarylauy ǧana emes, sonymen qatar syrtqy aua temperaturasy jäne sonyŋ saldarynan tūtynu kölemınıŋ artuy äser etkenı atap ötıldı.
Tabiǧi monopoliialardy retteu komitetınıŋ elordalyq departamentı jylytu kezeŋınde «Astanaenergosbyt» JŞS-tıŋ elektr energiiasyn bölşek saudada ötkızu boiynşa qyzmetterdıŋ baǧasy özgermegenın jetkızdı.
«Elektr energiiasy boiynşa esepteu elektr energiiasynyŋ naqty tūtynylǧan kölemı üşın esepteu aspaptarynyŋ körsetkışterı negızınde jürgızıledı. Jekelegen jaǧdailarda esepke alu qūralynyŋ körsetkışterı dūrys berılmeuı mümkın» delıngen habarlamada.
Tüsınbeuşılıkter tuyndai qalsa, astanalyqtar A.Petrov köşesı, 5-üi mekenjaiy boiynşa nemese «e-Otinish» azamattardyŋ barlyq ötınışın qabyldau men öŋdeudıŋ bıryŋǧai platformasy arqyly tolyq aqparat ala alady. Tūtynuşynyŋ dälelderı rastalǧan jaǧdaida, departament jospardan tys tekserulerdıŋ nätijesı boiynşa şaralar qabyldaidy.
Ötken jyldyŋ jazynda Astanada jylu tarifın ekı eseden astam arttyru josparlanǧany turaly habarlanǧan bolatyn. Küzde Qazaqstannyŋ qai aimaǧynda kommunaldyq qyzmetterdıŋ baǧasy öskenı turaly jazyldy. Sodan keiın elordada suyq su 15,7 paiyzǧa, su būru 15,5 paiyzǧa, elektr energiiasy 7,6 paiyzǧa, gazben jabdyqtau 8 paiyzǧa qymbattady dep habarlandy. Ortalyq jylytu tarifterı özgerıssız qaldy.
«İnvestisiiaǧa aiyrbastau tarifı» baǧdarlamasy aiasynda kommunaldyq qyzmetterdı jetkızuşıler baǧany kötere alady, būl rette olar infraqūrylymdy retke keltıruge jäne öz qyzmetkerlerınıŋ eŋbek jaǧdaiyn jaqsartuǧa mındettı.
